Cloud-servistiń kómegine júginetin shaǵyn jáne orta kásipkerlerdyń qatary kóbeiip keledi, memqurylymdar da osy tehnologiiany turaqty paidalanýǵa kóshken.
Gartner saraptama kompaniiasynyń boljamy boiynsha 2024 jyldan bastap IT shyǵyndardyń 45 paiyzy dástúrli sheshimderden bultty tehnologiialarǵa qarai oiysady.
Bulardyń ishine – IT infraqurylymdar, baǵdarlamalyq qamtý jáne biznes-protsesti aýtsorsingileý sekildi shyǵyndar kiredi.
Álem boiynsha Cloud-tehnologiialarǵa suranys pen qoldanystyń artýy, osynaý servistiń ámbebaptyǵy, ikemdiligi jáne qaýipsizdigimen tikelei bailanysty.
IDC sarapshylarynyń málim etkenindei 2021 jyly jariialy bultty servisterge jumsalǵan shyǵyn dúniejúzi boiynsha 408 mlrd dollardan asyp jyǵylǵan, 2020 jyly bul kórsetkish 316 mlrd dollardy quraǵan edi. Tek bir jyldyń aralyǵynda atalǵan naryqtyń aýqymy 29 paiyzǵa artqan.
Cloud-qa kóshý kóptegen memleketter úshin qatardaǵy IT mindet emes, osy naryqta top jaryp, kósh bastaýǵa múmkindik beretin biznestegi strategiialyq mindet jáne damýǵa irgetas bolatyn sheshim.
Qazaqstandaǵy bultty naryqtyń aýqymy qandai?
Iks Consulting kompaniiasynyń deregine sensek, byltyr elimizdegi Cloud servis naryǵynyń kólemi 8,95 mlrd teńgeni qurap, aldyńǵy jylǵy kórsetkishten 6,39 mlrd-qa asyp túsken.
Tsifrly ekojúieni jetildirý, memleket men biznesti túbegeili tsifrlandyrý innovatsiiany endirýdi jeńildetip hám jedeldetedi.
Eldegi intellektýaldy júielerdiń, strimingti servisterdiń sany artyp, AR/VR kontentiniń ulǵaiýy bultty tehnologiialarǵa suranysty arttyrady, sáikesinshe data-ortalyqtar qurylady.
"Data – ortalyqtar Cloud servisti túrli deńgeidegi bizneske ońtaily kiriktirýdiń basty ólshemi. Mundai ortalyqtar bultty tehnologiialardyń irgetasy ispettes, tutas infraqurylym osylardyń ústinen qalanady.
Jeke data ortalyqtardy qoldaný qaýipsizdikke kepildik berip, aqparattyń úshinshi tarapqa tarap ketpeýin qamtamasyz etedi. Servister senimdi jumys istep, biznestiń damýyna yqpal etedi", – deidi Huawei Technologies Kazakhstan bas direktorynyń apparat basshysy Farida Tóleýbaeva.
Málimetti óńdeý ortalyqtary – múltiksiz, aqaýsyz jumys isteýi kerek. Osyǵan bailanysty Uptime Institute sertifikattalǵan halyqaralyq institýtynyń standarty boiynsha qurylǵan, ári Tier II senimdilik sanatyna sáikes keletin data-ortalyqtarǵa suranys artýda.
Bundai statýs málimetti óńdeý ortalyqtarynyń úzdiksiz, udaiy jumys isterine, júieniń aqparattyq, telekommýnikatsiialyq jáne injenerlik infraqurylymynyń isten shyqpaýyna 99,82 paiyz deńgeiinde kepildik beredi.
"Qazaqstandaǵy bultty tehnologiialar naryǵy ósý, damý ústinde. Cloud-tar, olarmen bailanysty infraqurylymdar biznesti transformatsiialaýǵa, shyǵyndy tómendetýge, kiristi kóbeitýge, básekege tótep berýge jol ashatyn múmkindik, osy sebepti bulardyń suranys arta túsedi.
Áitkenmen otandyq Cloud indýstriianyń naryǵy osy salaǵa aiamai investitsiia quiatyn eldermen salystyrǵanda 10 ese tómen.
Memsektor men ekonomikadaǵy qarqyndy tsifrlandyrýdy qaperge ala otyryp, Qazaqstandaǵy bultty naryqtyń keńistigin kúsh salý qajet», – deidi Farida Tóleýbaeva.
Qazaqstandaǵy bultty tehnologiialardyń aýqymyn arttyrý úshin kelesidei sheshimder qajet:
- Málimetti óńdeý ortalyqtarynyń infraqurylymdaryn qalyptastyrý;
- Ishki jáne syrtqy naryqta jetilgen, damyǵan magistraldy bailanys arnalaryn qurý;
- El ishinde jeke bultty platformalardy qalyptastyrýǵa jol ashý (jeke bultty servisti qalyptastyrý ondaǵan jyldardy qajet etedi, buǵan qomaqty investitsiia men bilikti kadrlardy tartý qajet).
Otandyq bultty tehnologiialardy masshtabtaý, onyń infraqurylymyn ázirleý aitýǵa ǵana ońai. Ol úshin eldegi IT sektordyń tynysh-tirshiligin elekten ótkizip, sapaly bultty serviske suranys qalyptastyratyn kompaniialardyń kómegine júgingen abzal.
Bul turǵydaǵy tańdaý - jeke Cloud servisi bar, infraqurylymy qalyptasqan, álem boiynsha mundai innovatsiia endirýde mol tájiribesi bar kompaniialarǵa túskeni durys.
Huawei ilgeridegi talapqa tolyqtai sai keledi. Kompaniia TIER 3 sertifikatynan ótken, málimetti óńdeý júiesin basynan aiaǵyna deiin tolyqtai ázirlep beredi, ári magistraldy bailanys kanaldaryn moderndeidi.
Huawei-diń budan bólek bultty platformany Qazaqstanda aýmaǵynda «jersindiretin» tehnologiiasy jáne bar.
Sonyń arqasynda jańa IaaS-servister jasalyp, osy naryqtaǵy qyzmet kórsetýdiń túrleri kóbeiedi, kompaniia mamandary ázirlegen telekommýnikatsiia qyzmeti barsha tutynýshylarǵa qoljetimdi bolady.
Huawei kompaniiasynyń muryndyq bolýymen ázirlengen Cloud Hub jobasy Digital Hub memlekettik baǵdarlamasynyń ajyramas bólshegine ainalǵan.
Huawei-men áriptestik Qazaqstannyń IT naryqtaǵy yqpalyn arttyryp, tehnologiialyq múmkindigin ulǵaitady. Bul óz kezeginde investorlardyń qyzyǵýshylyǵyn týdyrady.
Elimiz halyqqa arnalǵan memlekettik bultty servister qyzmetin iske qosyp, iri jáne shaǵyn biznesti tsifrly jańǵyrtý jumysy jedeldeidi.
