كاسىپورىن ىسكە قوسىلعاننان كەيىن ماي ونىمدەرىن ءوندىرىپ، تاۋارىن قازاقستانعا نارىعىنا شىعاراتىن بولادى. مايلى داقىلداردى وندەيتىن زاۋىتتىڭ ىسكە قوسىلۋى اۋداننىڭ ەكونوميكالىق-الەۋمەتتىك ومىرىنە وڭ وزگەرىس اكەلمەك.
"قاراپايىم بۇيىمدار ەكونوميكاسى" باعدارلاماسىنىڭ شەڭبەرىندە اشىلعالى وتىرعان كاسىپورىننىڭ قۇرىلىسىن «اltyn Shyghys» جشس-ى جۇرگىزۋدە.
جوبانىڭ قۇنى 28 ملرد 781 ملن تەڭگەنى قۇراعان. اتالعان قاراجاتقا ماي وندىرۋگە قاجەتتى قۇرىلعىلار ساتىپ الىنادى. زاۋىت كۇنىنە 1،5 توننا مايلى داقىل وڭدەيتىن قۋاتقا يە بولماق. ال شيكىزاتتى جەرگىلىكتى شارۋالاردان ساتىپ الادى. سونىمەن قاتار كورشىلەس وڭىرلەردىڭ كاسىپكەرلەرى دە كۇزدىك ءونىمىن زاۋىتقا وتكىزە الادى.
شقو اۋىل شارۋاشىلىعى باسقارماسىنىڭ وكىلدەرى اتاپ وتكەندەي مۇنداي دەڭگەيدەگى كاسىپورىننىڭ اشىلۋى ءوڭىر ەكونوميكاسىنا دا وڭ اسەرىن تيگىزبەك.
"كۇنباعىس داقىلىن جيناۋ جونىنەن شىعىس قازاقستان وبلىسى ەل كولەمىندە كوش باستاپ تۇر. جىلىنا 500 مىڭ توننا شەكىلدەۋىك جينالادى. اشىلعالى وتىرعان كاسىپورىن مايلى داقىلدارمەن اينالىساتىن شارۋالارعا سەپتىگىن تيگىزىپ، ولاردىڭ جۇمىسىنا سەرپىن بەرەرى ءسوزسىز. ەڭ باستىسى زاۋىت اۋدان تۇرعىندارىن جۇمىسپەن قامتيدى"، – دەيدى وبلىستىق اۋىل شارۋاشىلىعى باسقارماسىنىڭ وكىلدەرى.
كەشەن تولىق ىسكە قوسىلعاندا 140 ادام تۇراقتى جۇمىسقا ورنالاسادى. ال وڭىردەگى مايلى داقىلدار ءوندىرىسى جىلىنا 300 مىڭ تونناعا دەيىن ارتقالى وتىر. كاسىپورىننىڭ تابىسى مولايعاندا بيۋدجەتكە تۇسەتىن ءتۇسىمنىڭ دە كوبەيەتىنى بەسەنەدەن بەلگىلى.
"كاسىپورىنعا قۇرىلىسىنا جۇمسالعان قاراجاتتى 7 جىلدىڭ ىشىندە اقتاپ الۋدى كوزدەپ وتىرمىز. بارلىعى نارىقتاعى احۋالعا بايلانىستى. 2022 جىلى ماي سىعىمداۋدى، ال 2023 جىلى تازارتۋ جۇمىستارىن باستاپ كەتەمىز. بولاشاقتا كاسىپورىن اياسىندا تاۋاردى ەكسپورتقا شىعاراتىن لوگيستيكالىق حاب قۇرۋ ويىمىزدا بار"، – دەيدى «اltyn Shyghys» جشس-دى وكىلى پاۆەل پيسارەنكو.
ماي وندىرۋگە قاجەتتى قۇرىلعىلار ءقازىردىڭ وزىندە جەتكىزىلىپ قويعان. قۇرىلىستىڭ جالپى اۋماعى 5،5 گا الىپ جاتىر. لوگيستيكانى جولعا قويۋ ءۇشىن تەمىر جول تورابى دا جۇرگىزىلگەن.
