ونىڭ ايتۋىنشا, كونۋرس 1 ناۋرىز بەن 15 سەۋٸر ارالىعىندا ٶتەدٸ. وعان سەۋلەتشٸ, ديزاينەر, سۋرەتشٸ, ينجەنەر, قۇرىلىسشى ماماندار قاتىسا الادى.
–15 سەۋٸردە حالىقارالىق كونكۋرستىڭ بٸرٸنشٸ قورىتىندىسىن جارييالايمىز. كوميسسييا 5 جوبانى ٸرٸكتەپ الادى. اۆتورلارعا تيٸستٸ قارجىنى بٶلٸپ, ماكەت جاساتامىز. ال 7 مامىردا استاناداعى ەسكەري مۋزەيدە كونكۋرستىڭ قورىتىندىسىن شىعارامىز, – دەدٸ ارمان شوراەۆ ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا.
ونىڭ ايتۋىنشا, كوميسسييا مٷشەلٸگٸنە مەۋلەن ەشٸمباەۆ, ابىلاي حاننىڭ تٸكەلەي ۇرپاعى شوتا ۋەليحانوۆ, مۇرات ەۋەزوۆ, تۇرسىن جۇرتباي, نۇرتٶرە جٷسٸپ, دارحان مىڭباي, بەرٸك ەبدٸعالي, دوسحان جولجاقسىنوۆ, تٶلەگەن قاجىباەۆ, مۇرات مانسۇروۆ, زييابەك كابۋلدينوۆ كٸرگەن.
سونداي-اق, ول ابىلاي حان مونۋمەنتٸن تۇرعىزۋ ٷشٸن قانشا قاراجات كەرەگٸن ايتتى. جوباعا مەملەكەتتەن قارجى بٶلٸنبەيدٸ.
– مەنٸڭ ويىمشا, جوباعا 5-7 ميلليون دوللار كەرەك. قارجىنى كراۋدفاندينگ ارقىلى جيناۋدى كٶزدەپ وتىرمىز, – دەدٸ ارمان شوراەۆ.
وسى ورايدا ول مونۋمەنت اقمولا وبلىسىندا ورنالاساتىنىن جەتكٸزدٸ.
– جارتى جىل وسى مونۋمەنتتٸڭ ورنىن ٸزدەدٸك. ۇلىتاۋ, سەمەي, الماتى ٶڭٸرلەرٸ ۇسىنىلدى. الايدا ابىلاي حان ورداسىن تٸككەن جەر بۋراباي مەن كٶكشەتاۋدىڭ ورتاسىنداعى كەنەسارى اۋىلىن تاڭداپ الدىق. وندا بيٸكتٸگٸ 90 مەتر بولاتىن جوتا بار. مونۋمەنت وسىندا بولادى. عيمارات عارىشتان كٶرٸنەدٸ دەپ ويلايمىن, – دەدٸ قوعام بەلسەندٸسٸ.
سونىمەن قاتار, ارمان شوراەۆ ابىلاي حان مونۋمەنتٸ جولدىڭ بويىندا ورنالاساتىنىن اتاپ ٶتتٸ.
– مەملەكەتتەن 100 گەكتار جەر مەن جول سالىپ بەرۋدٸ سۇراپ وتىرمىز. سەبەبٸ, وندا مونۋمەنت قانا ەمەس, ەتنواۋىل, قوناقٷي بولۋى مٷمكٸن, – دەدٸ ول.
باسپاسٶز مەسليحاتىندا شوراەۆ ابىلاي حان مونۋمەنتٸنٸڭ العاشقى جوباسىن كٶرسەتتٸ. وندا ابىلاي حاننىڭ تاقتا وتىرعان كەلبەتٸ بەينەلەنگەن. جوبا بويىنشا حاننىڭ اساتاياعىنا جەدەل ساتى ورناتىلادى. وسىلايشا, كەشەنگە كەلۋشٸلەر 20 قابات بيٸككە كٶتەرٸلٸپ, اينالانى تاماشالاي الادى. مونۋمەنتتٸڭ بيٸكتٸگٸ - 54 مەتر بولماق. الايدا قوعام بەلسەندٸسٸ بۇل جوبانىڭ ەلٸ ناقتى ەمەس ەكەنٸن, ونىڭ قورىتىندىسى كونكۋرستان كەيٸن بەلگٸلٸ بولاتىنىن جەتكٸزدٸ.
