ونىڭ ايتۋىنشا, جاقسىلى-جاماندى حالىقپەن "حالىقتىق" ديالوگ جاساۋعا تىرىسىپ جٷرگەن ەكٸمدەردٸڭ بٸرٸ وسى – عابيدوللا.
"ديالوگ جاساۋدان بۇرىن جالپى, قاتەلەسۋدەن قورىقپايتىن ەدٸ. يە, بٸراز جەردە "ەدەبي لياپتارى" جوق ەمەس. ونىڭ ٷستٸنە, ول سٶيلەي الماساڭ ساياسي كارەراڭ دا تۇماندى بولار لوندوننىڭ ەمەس, شىمكەنتتٸڭ ەكٸمٸ عوي.
بٸزدٸڭ ەلدە ەلٸ ساياسي شەشەندٸك دەگەن اتىمەن جوق قوي. ال, ٷندەمەگەندٸكتەرٸنەن ٷيدەي كوممەنتارييدەن قۇتىلعان كٷيٸ اتىن ەستٸمەگەن قانشاما ەكٸم جٷر بۇل ەلدە", – دەيدٸ ول.
ونىڭ پٸكٸرٸنشە ەبدٸراقىموۆتىڭ لوندونداعى وقيعادان كەيٸن سىنعا ۇشىراۋى قالىپتى نەرسە. حالىق بولعاسىن شەنەۋنٸكتٸ تالقىلاۋ, ەجۋالاۋ, ۇرسۋ قاتار جٷرەدٸ. بۇل اشىق قوعامنىڭ داعدىسى.
ونىڭ ٷستٸنە حالىقتىڭ سٷيٸكتٸسٸنە دەگەن سٷيٸسپەنشٸلٸگٸ دە قازٸرگٸ ۋاقىتتا تىم قۇبىلمالى. بٷگٸن ماقتاپ وتىرسا, ەرتەڭ داتتاپ وتىرۋى عاجاپ ەمەس.
"بٸراق, عابيدوللانى ۇناتپايمىن دەگەن شىمكەنتتٸك كەمدە-كەم", – دەيدٸ بلوگەر.
ونىڭ سٶزٸنشە ەبدٸراقىموۆتىڭ تۇسىندا شىمكەنت جاستار قالاسىنا اينالدى. قالانىڭ يميدجٸ كەرەمەت كٶتەرٸلدٸ. سونىڭ نەگٸزٸندە زامانعا ساي كٶش ٸلگەرٸ دامىپ جاتقان قالاعا اينالدى.
"بۇرىندارى جۇرت شىمكەنتكە كەلۋگە قورقاتىن. قازٸر ەشكٸمنٸڭ قورقىپ, يا تۇرعىندارىن "شىمكەنتتٸك" دەپ بٶلٸپ جاتقانىن كٶرٸپ جٷرگەم جوق. عابيدوللا قالا ٶمٸرٸنە, تۇرعىندارىنا ترەندتەر بەرە بٸلدٸ. جۇمىس تا توقتاپ قالعان جوق, مەنٸڭشە. شىمكەنتتەن عابيدوللا بٸرٸنشٸ رەت كەتٸپ, كەلگەنگە دەيٸنگٸ ەكٸم ەشكٸمنٸڭ ەسٸندە جوق. جالپى, شىمكەنتتە بولعان عابيدوللادان باسقا ەكٸمدەردٸڭ اتى كٶبٸنٸڭ ەسٸندە جوق. بولعان با ەدٸ, ٶزٸ? عابيدوللا بٸزدٸڭ ٶز عايسا مەسٸحٸمٸز. ريمدٸكتەردٸڭ بٸزدٸڭ عايسانى قۋدالاۋعا قاقى جوق. ٶز عايسامىزدى تەك ٶزٸمٸز قالاعان ۋاقىتتا ٶلتٸرەمٸز...
جالپى, بٸلمەدٸم, ٶزٸم ٷشٸن عابيدوللانى كەتٸرۋ قاتە قادام بوپ كٶرٸندٸ. شىمكەنتكە ٶزٸ سيياقتى ديناميكاعا تولى ەكٸم كەرەك", – دەپ تٷيٸندەپتٸ سٶزٸن سادىق شەرٸمبەك.
