Onyń aitýynsha, jaqsyly-jamandy halyqpen "halyqtyq" dialog jasaýǵa tyrysyp júrgen ákimderdiń biri osy – Ǵabidolla.
"Dialog jasaýdan buryn jalpy, qatelesýden qoryqpaityn edi. Iá, biraz jerde "ádebi liaptary" joq emes. Onyń ústine, ol sóilei almasań saiasi karerań da tumandy bolar Londonnyń emes, Shymkenttiń ákimi ǵoi.
Bizdiń elde áli saiasi sheshendik degen atymen joq qoi. Al, úndemegendikterinen úidei kommentariiden qutylǵan kúii atyn estimegen qanshama ákim júr bul elde", – deidi ol.
Onyń pikirinshe Ábdiraqymovtyń Londondaǵy oqiǵadan keiin synǵa ushyraýy qalypty nárse. Halyq bolǵasyn sheneýnikti talqylaý, ájýalaý, ursý qatar júredi. Bul ashyq qoǵamnyń daǵdysy.
Onyń ústine halyqtyń súiiktisine degen súiispenshiligi de qazirgi ýaqytta tym qubylmaly. Búgin maqtap otyrsa, erteń dattap otyrýy ǵajap emes.
"Biraq, Ǵabidollany unatpaimyn degen shymkenttik kemde-kem", – deidi bloger.
Onyń sózinshe Ábdiraqymovtyń tusynda Shymkent jastar qalasyna ainaldy. Qalanyń imidji keremet kóterildi. Sonyń negizinde zamanǵa sai kósh ilgeri damyp jatqan qalaǵa ainaldy.
"Buryndary jurt Shymkentke kelýge qorqatyn. Qazir eshkimniń qorqyp, ia turǵyndaryn "shymkenttik" dep bólip jatqanyn kórip júrgem joq. Ǵabidolla qala ómirine, turǵyndaryna trendter bere bildi. Jumys ta toqtap qalǵan joq, menińshe. Shymkentten Ǵabidolla birinshi ret ketip, kelgenge deiingi ákim eshkimniń esinde joq. Jalpy, Shymkentte bolǵan Ǵabidolladan basqa ákimderdiń aty kóbiniń esinde joq. Bolǵan ba edi, ózi? Ǵabidolla bizdiń óz Ǵaisa Másihimiz. Rimdikterdiń bizdiń Ǵaisany qýdalaýǵa qaqy joq. Óz Ǵaisamyzdy tek ózimiz qalaǵan ýaqytta óltiremiz...
Jalpy, bilmedim, ózim úshin Ǵabidollany ketirý qate qadam bop kórindi. Shymkentke ózi siiaqty dinamikaǵa toly ákim kerek", – dep túiindepti sózin Sadyq Sherimbek.
