– تەۋەلسٸزدٸك كٷنٸ قۇتتى بولسىن! ەگەمەن ەل بولعانىمىزعا 28 جىلدان استى. وردا بۇزار جٸگٸتتٸڭ جاسى. «ەلۋ جىلدا ەل جاڭا» دەۋشٸ ەدٸ. وتىز جىلدا قالاي جاڭاردىق?
ع.قابىشۇلى: راقمەت! «تەۋەلسٸزدٸك كٷنٸ» دەگەندٸ ەستٸگەن سايىن جاڭا بيلٸكتٸڭ ەڭ بٸرٸنشٸ ايلاسى ەسٸمە تٷسەدٸ.
پرەزيدەنت نۇرسۇلتان نازارباەۆ سوۆەتتٸك قازاقستاننىڭ تەۋەلسٸز قازاقستانعا اينالعانىن جارييالاپ, شەشٸم شىعارىپ, قول قويدى. 1991-جىلعى جەلتوقساننىڭ 10 كٷنٸ. بٸراق الاي-بىلاي بٸر «دەلەلمەن» پارلامەنت تەۋەلسٸزدٸك كٷنٸن 16-جەلتوقسان ەتٸپ زاڭداستىردى.
ول جاستارىمىزدىڭ 1986-جىلعى جەلتوقسان كٶتەرٸلٸسٸ باستالعان كٷندٸ كٶمەسكٸلەۋ بولدى دەپ بٸلەمٸن. ولاي بولماسا, تەۋەلسٸزدٸك كٷنٸن جەلتوقساننىڭ 10-ىنا, نەمەسە 20-سىنا بەلگٸلەۋگە مۇرسات بەرمەگەن قانداي كەدەرگٸ بولدى?
كەدەرگٸ – سول جىلداعى پارتييا, ٷكٸمەت باسشىلارىنىڭ جاستاردى قولداۋ ورنىنا ايىپتاعاندارى. ياعني كٶتەرٸلٸس كٷنٸن جىلدا اتاۋ ولاردىڭ قيتىعىنا تيەتٸن بولدى.
وتىز جىل دەسەك, بۇل مەرزٸمدە «باي – باي, كەدەي كەدەي بولدى». يە, «جاڭاردىق»: ەلٸمٸزدٸ جاپپاي جۇمىسسىزدىق جايلاپ, قىمباتشىلىق قىسپاققا الدى.
«رەفورمالار» تايلاققا مٸنٸپ تايراڭدادى. ەبٸن تاپقاندار ەكٸ ەمەس, ون-جيىرما اسادى. ەلۋدەن استام ميلليونەر, وننان استام ميللياردەر پايدا بولعان ەلدە قالتالىلاردىڭ جايلاۋلارى – شەتەل, ال قاراپايىم حالىق جىل بويى قىستاۋدا, نە الدىنداعى اسى, نە ٷستٸندەگٸ كيٸمٸ ارزانداعان ەمەس, قالت-قۇلت تٸرلٸك.
دوللار كەلٸپ كيلٸككەن جىلى ونىڭ قۇنى 4 تەڭگە 70 تيىن ەدٸ, بٷگٸندە – 385 تەڭگە! تٸلٸن جالداعىش جاعىمپاز «وقىمىستىلاردىڭ»: «ەلٸمٸزدٸڭ ەكونوميكالىق دامۋىنا شەت ەل قىزىعا, تاڭدانا قاراۋدا» دەيتٸندەرٸ – اريفمەتيكانىڭ تٶرت امالىن ۇمىتقاندارى.
– عابباس اعا, تاعى بٸر جىلدى ارتقا تاستاپ, 2020 جىلدىڭ ەسٸگٸن قاققالى وتىرمىز. بۇرىنعىلار كەش باتسا, كٷنٸمٸز ٶتٸپ جاتىر دەپ جىلاپ, قايعىرادى ەكەن. قازٸرگٸ جۇرت كەلەر كٷننەن ٷمٸت كٷتەدٸ, قۋانادى. ۋاقىتتىڭ قادٸرٸ قالماي بارا ما, ەلدە تٸرشٸلٸكتەن قاجۋ ما, بۇل?
ع.قابىشۇلى: جاقسى جاعدايدا ۋاقىتتىڭ ٶتٸپ بارا جاتقانىنا قۋانعان ادام بولماعان, بولمايدى دا. قازٸرگٸ ەڭبەكشٸل جۇرتتىڭ دا قۋانىشى شامالى.
ال كەلەر كٷننەن جاقسىلىق, كەڭشٸلٸك كٷتٸپ جٷرگەنٸ راس. بٸراق ول كٷندٸ «پەلەن جىلى كەلەر» دەۋگە مەنٸڭ دە دەتٸم جوق. حالىقتىڭ سەنٸمٸن سەلكەۋلەگٸش جوعارى جاقتاعىلار تٸلٸن ۇرشىق ەتٸپ, سىلدىر سٶزدەن شٷيكە جاساپ وتىرعالى قاشان?!
–تەۋەلسٸزدٸك كٷنٸنە وراي, ەدەبيەت پەن ٶنەر, مەدەنيەت پەن سپورت, تاعى باسقا سالالارداعى بٸراز ادام ەرتٷرلٸ وردەن, اتاق-داڭق الىپ جاتىر. جىلداعى ٷردٸس.
الايدا ارالارىندا اتى-زاتى بەلگٸسٸز دە ازاماتتار بار كٶرٸنەدٸ. جالپى, وسى وردەن, اتاق بەرۋ ادامنىڭ ەتكەن ەڭبەگٸن باعالاي ما? مۇنى سۇراعان سەبەبٸم, ەدەبيەتتٸڭ اقساقالى بولىپ قالعان ٶزٸڭٸز, تەمٸرحان مەدەتبەك, دۋلات يسابەكوۆتى سيياقتى شىندىققا جاقىن قالامگەرلەردٸ بۇل تٸزٸمنەن بايقاي المادىق. ال العانداردىڭ بەرٸنٸڭ ٸشكٸ مازمۇنى «قۇرمەت» پەن «پاراساتقا» سەيكەس كەلە مە?
ع.قابىشۇلى: «قازانشىنىڭ ەركٸ بار, قايدان قۇلاق شىعارسا». بٷگٸندە تٸپتٸ شىعارماي قويۋعا دا ەرٸكتٸ. جازۋشىلار وداعىمىزدىڭ, «قازاق ەدەبيەتٸ» گەزەتٸنٸڭ 85 جىلدىعىنا ارنالعان سالتاناتتى پلەنۋمعا بارۋعا, بٸرٸنشٸدەن, دەنساۋلىعىم رۇقسات بەرمەدٸ, ەكٸنشٸدەن, قىزىل سٶزدٸڭ قىرمانىنا قىزىعاتىن عادەتٸم جوق.
ەستۋٸمشە, بەز-باياعى مەنسٸز ماداق سٶز, ماراپات مايقانى. كٷلكٸمدٸ كەلتٸرگەن بٸر «جاڭالىعى» بۇرىندا «قازاقستاننىڭ حالىق جازۋشىسى» اتاعى بارلاردىڭ بٸرنەشەۋٸنە «قازاقستاننىڭ قۇرمەتتٸ جازۋشىسى» دەگەن اتاق بەرٸلٸپ, بٶرٸكتٸڭ ٷستٸنە تاقييا جاپسىرىلىپتى.
نازارباەۆقا ەۋ باستا جازعان حاتتارىمنىڭ بٸرٸندە: «مەنٸڭشە, «حالىق جازۋشىسى» دەگەن ارزان اتاقتى توقتاتۋ قاجەت. ول اتاقتى العاندار حالىق ٷشٸن جازىپ جٷرگەندەر دە, ونداي اتاعى جوقتار حالىق ٷشٸن جازباعاندار ما?» دەگەنمٸن. حاتىم جەكە مۇراعاتىندا جاتقان شىعار.
تيىلعان سول اتاقتى بٷگٸنگٸ پرەزيدەنت قاسىم-جومارت توقاەۆ جاڭارتقان سيياقتى. بيلٸكتٸڭ ٶزٸنە قيىلا قارايتىن شاشباۋشىلاردى باۋىرىنا تارتىپ, ماراپاتتاي بەرەتٸنٸ, ال قىرىن قارايتىنداردى سىرتقا تەۋٸپ, «ايىبىنا» قاراي قۋدالايتىنى, تٷرمەگە تىعا سالاتىنى كٶپشٸلٸككە مەلٸم.
ماعان قاتىستى سٶزٸڭە نازار اۋدارسام, جازۋشىلار وداعى قۇزىرىندا 30 جىل بولدىم: ەدەبي اپتالىعىمىزدىڭ رەداكتسيياسىندا, ەدەبي قوردا, كٶركەم اۋدارما جەنە ەدەبي بايلانىس القاسىندا, 1994-96-جىلدارى وداق باسقارماسىنداعى ەكٸنشٸ حاتشىسى بولىپ, جاسىم جەتكەن سوڭ زەينەتكە شىقتىم. سول جىلدارى وداق باسقارماسىنىڭ حاتشىلارى ەنۋار ەلٸمجانوۆ, قالاۋبەك تۇرسىنقۇلوۆ جاساعان ماراپات تٸزٸمدەردەن ٶزٸمدٸ تٶرت رەت سىزدىرىپ تاستادىم.
ودان بەرٸدە ورتا دەڭگەيدەگٸ گەزەت تٸلشٸسٸنٸڭ: «العان بٸردە-بٸر وردەن-مەدالٸڭٸز, اتاعىڭىز جوق ەكەن, ول قالاي?» دەگەن تاڭدانىستارىن كٶپ ەستٸگەم!
– سولتٷستٸك قازاقستان وبلىسى مەن شىعىستاعى ەلدٸ مەكەندەر جىلدان-جىلعا كەمۋدە. مەكتەپتەرگە بالا جەتٸسپەي جاتىر. مەملەكەت وڭتٷستٸكتەگٸ اعايىندى تەرٸسكەيگە كٶشٸرۋدٸ قولعا العالى 4-5 جىل بولىپ قالدى.
بٸراق تەرٸسكەيگە كٶشكەن ەلدٸڭ سانى ەلٸ مىڭ وتباسىعا جەتپەپتٸ. جۇمىس نەگە جٷرمەيدٸ: حالىقتىڭ بارعىسى كەلمەي مە, ەلدە وسى شارۋامەن اينالىسقاندار جۇمىس مەحانيزمٸن دۇرىس جٷرگٸزبەي وتىر ما?
ع.قابىشۇلى: شەت-جاعاسىن ەستۋٸمشە, كٶشٸپ بارعاندارعا قولايلى باسپانا تابىلمايدى, ال تابىلعان كٷندە ماماندىعىنا, يكەمٸنە قاراي جۇمىس تاپشى. ەرٸ-سەرٸلٸك, رەنٸش, داۋ-داماي, تٸپتٸ قايتادان كٶشٸپ كەتۋ بولادى ەكەن. بٸزدە جالعان ۇرانشىلدىق باسىم.
مىسالى, «ديپلوممەن – اۋىلعا!» دەپ اتتاندادىق, ەلٸ دە اتتانداۋدامىز. وۋ, بٸرٸ قىلاياعى اۋىزسۋعا جارىماي, بٸرٸ ەمحانا-اۋرۋحاناسىز كٷن كەشۋلٸ اۋىلعا ەركٸمەن-اق بارعان, ايتالىق, جاس مۇعالٸم مەن دەرٸگەر ٷيسٸز, جاتاقحاناسىز قايدا تۇرماق? ونىڭ ٷستٸنە, ايلىق ەڭبەكاقىسى 60-70 مىڭ تەڭگەدەن اسپاسا. ۇرانداعىشتار بٸر ٶزٸ ون شاقتى دەرٸگەر مەن مۇعالٸمنٸڭ ايلىعىن الىپ وتىرعان پارلامەنتتٸڭ, اسسامبلەيانىڭ باسشى-قوسشىلارى اۋىلدىڭ اۋىر حال-جاعدايىن بٸلە تۇرا سەلت ەتەر ەمەس.
سوڭعى ون جىلدا, ەگەر جاڭىلىسپاسام, «اۋىلدى قالپىنا كەلتٸرۋ» جٶنٸندە بيلٸكتٸڭ ٷش قاۋلىسى شىعىپ, جٷزدەگەن ميلليارد تەڭگە بٶلٸندٸ. ال قاڭىراعان اۋىل-سەلونىڭ نەشەۋٸ ەڭسەسٸن كٶتەردٸ? قىرۋار قارجى اۋىلعا نەگە جەتپەدٸ? «ٸشٸڭ بٸلسٸن, ەلۋ-اي».
– تەرٸسكەيدە ٶمٸر سٷرۋ, ەرينە قيىن. التى اي قىس. التاي مەن ارقانىڭ سارشۇناق ايازى. بٸراق سٸبٸردە دە ادام ٶمٸر سٷرەدٸ. وسى بٸز جەڭٸل ٶمٸرگە ٷيرەنٸپ العان جوقپىز با?
ع.قابىشۇلى: «جەڭٸل ٶمٸرگە ٷيرەنٸپ العانىمىزعا» قاتىستى پٸكٸر ايتىلدى-اۋ دەيمٸن. بٷگٸنگٸ كەزەڭدە ادال ەڭبەك ادامىنا سولتٷستٸكتە دە, وڭتٷستٸكتە دە «جەڭٸل ٶمٸر» تابىلىپ جاتپاعانى سٶزسٸز. ال «قاراعايعا تالدى جالعاعىش» الاياقتار جەر تاڭدامايدى.
– سٸز شقو-نىڭ ۇلان اۋدانىنا قارايتىن ۇرانحاي دەگەن اۋىلدا تۋىپ-ٶسكەن ەكەنسٸز. بىلتىر كٷزدە كٷرشٸم اۋدانىنىڭ سول اتتاس ۇرانحاي اۋىلىنا جولىمىز تٷسٸپ ەدٸ, كٶڭٸلٸمٸز قۇلازىپ, جانىمىز جٷدەپ قايتتى. شەكاراداعى اۋىل ەكەن. ەلدٸڭ شەتٸ – شەكارا جالاڭاش قالسا, ەلدٸگٸمٸزگە قاۋٸپتٸ ەمەس پە?
ع.قابىشۇلى: ە, بٸز شەكارامىزدى اشىپ, بايلىعىمىزدى ەنتەلەپ جەتٸپ كەلگەن بٶگدەلەرگە شاشىپ, ەنشٸلەس بولىپ, «شالقىپ, شىلقا بايىپ» جٷرمٸز. قىتايمەن, رەسەيمەن, تاعىدا بٸراز ەلمەن شەكارادان رۇقسات قۇجاتسىز (ۆيزاسىز) ٶتٸپ, بارىس-كەلٸستٸ جەڭٸلدەتۋ بولادى دەگەندٸ ەستٸدٸم.
ولاي بولسا, سٶزدٸڭ قىسقاسى: باس باعدارلامالى «2030-جىلى قازاقستاندا قازاق كٶپ بولا ما, قىتاي كٶپ بولا ما?» دەگەن مەسەلە تۋىندادى دەي بەرەلٸك.
بٸزدٸڭ ۇرانحايدا اۋىلدىڭ ەشقانداي بەلگٸسٸ قالمادى. وسى ورايدا اۋدانىمىزداعى اسۋبۇلاق اۋىلى تۋرالى ايتايىن. ول جەراستى بايلىعى مول ەلدٸ مەكەن ەدٸ. كەندٸ قازىپ الىپ ٶڭدەيتٸن رۋدنيكتەرٸ بولدى. ۋران شاحتاسى بار-دى. ٶنەركەسٸبٸ ٶركەندەپ, قالا سيپاتتى پوسەلوك دەپ اتالدى. 1991-جىلدىڭ باس شەنٸندە تۇرعىندارىنىڭ سانى 15 مىڭعا جەتٸپ, رەسمي تٷردە قالاعا اينالۋىنا قاجەتتٸ قۇجاتتارىن جوعارىعا جولداعان. تيٸستٸ قاۋلىنى كٷتۋمەن تەۋەلسٸزدٸكتٸ قارسى العان.
«رەفورمالاۋ» جەتٸپ, رۋدنيكتەر جاتەلدٸك قالتالىلارعا ساتىلعان. سونىمەن اينالاسى 6-7 جىلدا رۋدنيك شاحتالارىن تاقىرلاعان پايداكٷنەمدەر تايىپ تۇرعان.
پوسەلوك حالقى جۇمىسسىز قالىپ, تٸرشٸلٸك قامىمەن جان-جاققا بىتىراعان. قازاقتان ٶزگە جۇرت اتامەكەندەرٸنە كٶشٸپ كەتتٸ. سٶيتٸپ, وسىدان التى جىل بۇرىن بارعانىمدا سوناۋ جىلدارى گٷلدەنگەن اسۋبۇلاقتىڭ ورنىندا القام-سالقام شاعىن اۋىل قالعانىن كٶردٸم. كٶپقاباتتى ٷيلەر سوعىس بولىپ ٶتكەن جەردەگٸدەي. اسفالت كٶشەلەر جۇلقا-جۇلقا. ەمحانا-اۋرۋحانا جابىلعان. ازىق-تٷلٸك دٷكەن ەكەۋ عانا جەنە جەكەمەنشٸك. قايران اسۋبۇلاق – بٷگٸندە زەينەتكەرلەردٸڭ اۋىلى. تۇرعاندارىنىڭ سانى – 1,5 مىڭ.
– عابباس اعا, سٸزگە ەندٸ بٸر «قىزىق» سۇراق قويعىم كەلٸپ وتىر.
ع.قابىشۇلى: قورعانبا, «شىجىق» جاۋاپ ەستۋٸڭ مٷمكٸن.
– ولاي بولسا, ايتىڭىزشى: سوڭعى كەزدە بٸزدٸڭ زييالى قاۋىمدا ولجاس سٷلەيمەنوۆ پەن مۇحتار شاحانوۆ جايىندا بٸرٸ مەن بٸرٸ قابىسپايتىن پٸكٸر ايتىلىپ جٷر, سول تۋرالى نە دەر ەدٸڭٸز?
ع.قابىشۇلى: قوعامدا, قاۋىمدا «جولىبولعىشتار» قاشاندا كەزدەسەدٸ. سوندايلاردىڭ بٸرٸ – اقىن اعاڭ ولجاس.
تەك قۇجات تٸلٸمەن ايتسام: عارىشقا ادام ۇشىرۋ بەسەكەسٸندە مەرەيٸ ٷستەم بولعان سوۆەت وداعىنىڭ سول عىلىمي جەتٸستٸك-جەڭٸسٸن ماداقتاۋعا «كازاحستانسكايا پراۆدا» گەزەتٸ رەداكتسيياسىنان تاپسىرما الىپ, «ادامعا تابىن, جەر ەندٸ!» دەگەن ساياسي ٶلەڭ جازعان بٸزدٸڭ اقىن ىقىلىم زاماننان ادامزات انا دەپ ارداقتاپ كەلە جاتقان جەرگە: «...تى, زەمليا, پوكلونيس چەلوۆەكۋ, تۆوي بوگ – يا!» – دەدٸ.
استاپىراللا!.. ارزان قالجامەن اتاعى شىققان ولجاستىڭ ودان بەرگٸ «ۇلىلىعى» ٶزٸ قۇرماعان, ٶزٸ اتىن قويماعان قوزعالىسقا يە بولۋىمەن, سەمەيگە ٶز ەركٸمەن بارماسا دا, ونداعى پوليگوندى «جابۋىمەن» جالعاستى.
ول قۇبىلىستار, مەسەلەن: سەمەيلٸك جۋرنالشى ۆلاديمير پيگاۆاەۆتى, جازۋشى ەنۋار ەلٸمجانوۆتىڭ, مەسكەۋلٸك اكادەميك ەۆگەنيي ۆەليحوۆتىڭ جازبالارىندا ناقتى ايتىلعان.
سەمەي اتوم پوليگونىن جابۋ كٷرەسٸن جانپيدالىقپەن باستاعان, ماقساتىنا جەتكەن قايراتكەر كەشٸرٸم بوزتاەۆتىڭ – بۇرىنعى سەمەي وبلىستىق پارتييا كوميتەتٸنٸڭ 1-حاتشىسى – «سەمەي پوليگونى» اتتى كٸتابىن وقىعان ادامعا بەرٸ تٷسٸنٸكتٸ بولادى.
ولجاستىڭ ودان كەيٸندەگٸ «ۇلىلىعى» – قوزعالىسىن اكتسيونەرلٸك قوعامعا اينالدىرىپ, سەمەي پوليگونىنان تاۋقىمەت تارتقاندارعا, باسقا دا مۇقتاجدارعا كٶمەك كٶرسەتەمٸز دەپ ارناۋلى قور اشىپ, وعان 2-3 جىلدا جينالعان ميللياردتاعان دوللاردان سەمەيلٸككە جارتى دوللار دا بۇيىرتپاي, ٶزارا بٶلٸسكە سالىپ, قوردىڭ «قايراتكەرلەرٸ»: ماشكەۆيچ, شوديەۆ, يبراگيموۆ, بەرەنباۋم دەگەن جەمقورلاردىڭ ميللياردەر بولىپ شىعۋلارىنا جول اشقانى.
قور تيٸستٸ ورىنداردىڭ تەكسەرۋٸمەن, اكت جاساۋىمەن اقىرىندا جابىلدى. بٸراق ول اكت زىم-زييا بولدى. دەگەنمەن اقىن قۇربىمنىڭ ەڭبەكتەرٸ ەسكەرٸلٸپ, «قازاقستاننىڭ ەڭبەك ەرٸ» اتاعى بەرٸلدٸ.
تاعى بٸر دەرەك: «الما-اتا» «الماتى» بولىپ دۇرىستالعاندا, ودان سوڭ قالا ەكٸمٸ يمانعالي تاسماعامبەتوۆ الماتىدا ٸس قاعازىن مەملەكتتٸك تٸلدە جٷرگٸزۋ جايىندا شەشٸم شىعارعاندا, ولجاس اسا ماڭىزدى ول ەكٸ شاراعا دا بٸرٸنشٸ بولىپ قارسى شىقتى.
سونىسى «ەشتەن كەش جاقسى» ەسكەرٸلٸپ, قالانىڭ جاڭا ەكٸمٸ جاقىندا وعان «الماتىنىڭ قۇرمەتتٸ ازاماتى» اتاعىن سىيلادى.
– كەرەعارلىق دەگەن وسى شىعار?
ع.قابىشۇلى: مۇحتار شاحانوۆتى دا اتادىڭ. ول اقىن ٸنٸمنٸڭ مٸنەزٸندە بايقالا باستاعان اۋمالى-تٶكپەلٸلٸك ماعان دا تٷسٸنٸكسٸز. «ۋۆاجاەمىي گەنناديي ۆاسيلەۆيچ, مى نازىۆاەم ۆاس وتتسوم دۆۋح يازىكوۆ», دەپ كولبيندٸ قولپاشتادى.
ونىڭ كسرو حالىق دەپۋتتارى قۇرىلتايىنىڭ مٸنبەرٸنەن جەلتوقسان زوبالاڭى تۋرالى سٶيلەۋٸن ەركٸن ەۋەلبەكوۆ ۇيىمداستىردى. كەرٸشال اسانوۆتىڭ: «ول سٶزدٸڭ تەزيسٸن ەركٸن ەۋەلبەكوۆتٸڭ قالاۋى بويىنشا مەن جازىپ بەردٸم» دەگەنٸ بار.
جەلتوقسان وقيعاسىن تەكسەرەتٸن كوميسسييا ميحايل يۆانوۆيچ ەسەنەليەۆتٸڭ پارتييا پلەنۋمىندا, جوعارعى كەڭەس سەسسيياسىندا جازباشا تالاپ ەتۋٸمەن قۇرىلعانى – اقيقات.
مۇحتاردىڭ ونى دا مويىنداعىسى جوق. سوڭعى كەزدە: «قازاق تٸلٸن مەملەكەتتٸك تٸل ەتكەن – مەنمٸن!» دەۋٸن سٶز تيگەن جەردە قايتالاي بەرەتٸن بولىپتى. انا تٸلٸمٸزدٸڭ ابىرويىن, مەرتەبەسٸن ساقتاۋدى كٶزدەگەن دابىلدا بەلسەندٸلٸك كٶرسەتكەنٸ راس. بٸراق ول جالعىز بولعان ەمەس-تٸ. كٶپ بولىپ كٸرٸسكەنبٸز.
ال قازاق تٸلٸنٸڭ مەملەكەتتٸك تٸل ەكەنٸ سوۆەتتٸك قازاقستاننىڭ كونستيتۋتسيياسىندا دا, تەۋەلسٸز قازاق رەسپۋبليكاسىنىڭ كونستيتۋتسيياسىندا جازۋلى بولدى. مۇحتاردىڭ «ٷشتٸلدٸلٸككە» قارسى كٷرەستە دە بەلسەندٸلٸك كٶرسەتكەنٸ راس.
الايدا وندا دا جالعىز شىققان جوق. بيلٸك بولسا, ول حالىقتىڭ دابىلىنا قىڭبادى. «ٷشتٸلدٸلٸك» ساياساتى بەلەڭ الدى. ەندٸ قىتاي تٸلٸ قوسىلىپ, تٶرتتٸلدٸلٸككە دە كٶندٸگەتٸن شىعارمىز.
جاراس مىرزا, ەڭگٸمەمٸزدٸ وسىمەن اياقتاپ, ماعان ات باسىن بۇرعاندارىڭا ريزالىق نيەتپەن بارشاڭا كٶپ-كٶپ جاقسىلىق تٸلەسەم دەيمٸن.
– راقمەت, اعا! الداعى 85 جاسىڭىزدى شارشاماي-شالدىقپاي تويلاڭىز!
ع.قابىشۇلى: ەۋمين! قالامدارىڭدى نىق ۇستاپ, 100 جاساڭدار!
ەڭگٸمەلەسكەن جاراس كەمەلجان
ال نۇر-سۇلتاندا ۇلى ابايدىڭ 175 جىلدىق تويى باستالدى:
https://dalanews.kz/49063
