Fitch Ratings حالىقارالىق رەيتينگتىك اگەنتتىگى Halyk Bankء-تىڭ شەتەل جانە ۇلتتىق ۆاليۋتاداعى ۇزاق مەرزىمدى رەيتينگىن "تۇراقتى" بولجاممەن "BBB-" دەڭگەيىندە بەكىتتى. وسىلايشا قازاقستانداعى ەڭ ءىرى بانكتىڭ ءبىرى ەكونوميكالىق قيىن-قىستاۋ ساتكە قاراماستان سالاداعى بەرىك پوزيسياسىن ساقتاپ وتىر، دەپ جازادى Dalanews.kz.

Fitch Ratingsء-تىڭ باعالاۋى بويىنشا، قازاقستاننىڭ بانك سەكتورىنداعى Halyk Bankء-تىڭ جوعارى نارىقتىق ۇلەسى، تابىستىلىقتىڭ تۇراقتى جوعارى كورسەتكىشتەرى، ەلەۋلى كاپيتالداندىرۋ جانە ورنىقتى وتىمدىلىك رەيتينگتى قولدايتىن نەگىزگى فاكتورلار بولىپ تابىلادى. اگەنتتىكتىڭ تۇسىنىكتەمەسى بويىنشا، "تۇراقتى" بولجام Halyk Bankء-تىڭ كرەديتتىك كورسەتكىشتەرى ورتا مەرزىمدى پەرسپەكتيۆادا كۇشتى بولىپ قالا بەرەتىنىن ايقىنداپ تۇر.

Fitch Ratings Halyk Bankء-تىڭ كورپوراتيۆتىك جانە بولشەك بيزنەستەگى كۇشتى نارىقتىق پوزيسيالارى جانە تەڭدەستىرىلگەن كرەديتتىك پورتفەلى بار سەنىمدى بيزنەس-مودەلىن، سونداي-اق بانك اكتيۆتەرىنىڭ ساپاسى سوڭعى بەس جىلدا ايتارلىقتاي جاقسارعانىن اتاپ ءوتتى. سونىمەن قاتار اگەنتتىك تۇراقتى مارجانىڭ، جوعارى وپەراسيالىق تيىمدىلىكتىڭ جانە تاۋەكەلدىڭ تومەن قۇنىنىڭ ارقاسىندا 2025-2026 جىلدارى بانكتىڭ جوعارى تابىستىلىعىنىڭ ساقتالۋىن كۇتەدى. 

"Fitch Ratings اگەنتتىگىنىڭ بەرگەن كرەديتتىك رەيتينگى وزگەرمەلى ەكونوميكالىق ورتا مەن سىرتتان تونگەن سىندار جاعدايىندا بانكتىڭ ءتيىمدى جۇمىسىن، ال بەرگەن باعاسى Halyk-تىڭ قازاقستاننىڭ بانك نارىعىنداعى جەتەكشى ويىنشى رەتىندەگى قارجىلىق تۇراقتىلىعى مەن سەنىمدىلىگىن كورسەتەدى. سونداي-اق بۇل نارىقتىڭ Halyk-قا كورسەتكەن سەنىمى مەن سەنىمدىلىگىنىڭ دالەلى"، دەلىنگەن اتالعان بانكتىڭ حابارلاماسىندا.

ايتا كەتسەك، Halyk Bank - قازاقستانداعى ەڭ ءىرى كرەديتور. 2025 جىلعى 30 ماۋسىمداعى جاعداي بويىنشا، ونىڭ اكتيۆى 19،616 ملرد تەڭگەنى قۇرايدى.  بانك ەلدەگى ەڭ ءىرى كليەنتتىك بازالاردىڭ بىرىنە يە جانە فيليال جەلىسى كەڭىنەن تاراعان: 542 فيليالى مەن بولىمشەسى بار، سونىمەن قاتار گرۋزيا مەن وزبەكستاندا دا قىزمەت كورسەتەدى.

Halyk اكسيالارى الماتى، لوندون جانە استانا قور بيرجالارىندا ساۋدالانادى.