2025 جىلعى 18 ماۋسىمدا ەۋروپا كەڭەسٸنٸڭ مينيسترلەر كوميتەتٸ قازاقستان رەسپۋبليكاسىنىڭ باس پروكۋراتۋراسى باستاماشىلىق ەتكەن قىلمىستىق ٸستەر بويىنشا قۇقىقتىق كٶمەك كٶرسەتۋ تۋرالى ەۋروپا كەڭەسٸنٸڭ كونۆەنتسيياسىنا قوسىلۋ جٶنٸندەگٸ ٶتٸنٸمدٸ ماقۇلدادى.
اتالعان كونۆەنتسيياعا قاتىسۋ قازاقستاندىق قۇقىق قورعاۋ ورگاندارىنا قىلمىستىق ٸستەر بويىنشا دەلەلدەمەلەر الۋعا, زاڭسىز جولمەن شەتەلگە شىعارىلعان اكتيۆتەردٸ ەلگە قايتارۋعا, قىلمىسقا قارسى كٷرەس جەنە حالىقارالىق قاۋٸپسٸزدٸكتٸ قامتاماسىز ەتۋ سالاسىندا 46 ەۋروپالىق مەملەكەتپەن ىنتىماقتاستىقتىڭ تيٸمدٸلٸگٸن ارتتىرۋعا مٷمكٸندٸك بەرەدٸ. بۇل ەلٸمٸزدە «زاڭ مەن تەرتٸپ» تۇجىرىمداماسى اياسىندا حالىقارالىق ىنتىماقتاستىقتى دامىتۋ ارقىلى زاڭدىلىقتى نىعايتۋعا باعىتتالعان مەملەكەتتٸك ساياساتقا سەيكەس كەلەدٸ.
سونىمەن قاتار, اتالعان كٶپجاقتى حالىقارالىق قۇجاتقا قوسىلۋ قازاقستاندى قىلمىسقا قارسى ٸس-قيمىل سالاسىندا ەربٸر ەۋروپالىق مەملەكەتپەن جەكە ەكٸجاقتى شارتتار جاساسۋ قاجەتتٸلٸگٸنەن بوساتادى.
ايتا كەتۋ كەرەك, قازاقستان وسى كونۆەنتسيياعا قوسىلۋ ٷشٸن 20 جىلدان استام ۋاقىت بويى قادامدار جاساپ كەلەدٸ, الايدا بۇرىنعى ٶتٸنٸمدەر ەۋروپا كەڭەسٸنە مٷشە كەيبٸر مەملەكەتتەردٸڭ قارسىلىقتارىنا بايلانىستى ٷنەمٸ قابىلدانباعان.
مۇنداي شاقىرتۋدى الۋ قازاقستاننىڭ قىلمىستىق قۇقىقتىق جٷيەسٸنە, ونىڭ ٸشٸندە زاڭ ٷستەمدٸگٸنە, ادام قۇقىقتارى مەن بوستاندىقتارىنىڭ ساقتالۋىنا ەۋروپالىق قاۋىمداستىق تاراپىنان سەنٸمنٸڭ بەلگٸسٸ جەنە قازاقستاندىق پروكۋرورلار مەن ديپلوماتتاردىڭ كٶپجىلدىق قاجىرلى ەڭبەگٸنٸڭ نەتيجەسٸ بولىپ تابىلادى.
