ۇلتتىق وليمپيادا كوميتەتىنىڭ باسشىسى گەنناديي گولوۆكين پاريجدەگى وليمپيادا ويىندارىنىڭ چەمپيونى يمان حەليفتىڭ داۋلى ءىسى تۋرالى پىكىر ءبىلدىردى، دەپ حابارلايدى Dalanews.kz BBC-گە سىلتەمە جاساپ.
گولوۆكين باسىلىمعا بەرگەن سۇحباتىندا بۇعان دەيىن وليمپيادا سپورت تۇرلەرىندە تىيىم سالىنعان جانە داۋ تۋعىزعان جىنىس انىقتاۋ تەستتەرىن قولدانۋ جونىندەگى World Boxing ۇستانىمىن قورعادى. ونىڭ ايتۋىنشا، يمان حەليفكە قاتىستى جاعداي بوكستاعى گەندەرلىك ساياساتقا بايلانىستى “كەمشىلىكتەردى، تۇسىنبەۋشىلىكتەردى” كورسەتكەن.
«مۇنى مۇمكىندىگىنشە تۇزەتۋ قاجەت. ءبىز ەرلەر ەرلەرمەن، ايەلدەر ايەلدەرمەن بوكستاساتىن ادال سپورتتى قولدايمىز. سول سەبەپتى بۇل گەندەرلىك تەستىلەۋدى جۇرگىزۋ قاجەت»، – دەپ گولوۆكين ءوز پوزيسياسىن BBC-گە بەرگەن سۇحباتىندا مالىمدەدى.
