تۇركىستان وبلىسىنداعى ورتتەن قازا تاپقاندار ءبىر اۋلەتتىڭ مۇشەلەرى بولىپ شىقتى، دەپ حابارلايدى Dalanews.kz.
جاڭا دەرەك
وقيعا بۇگىن جەتىساي اۋدانى العاباس اۋىلىندا بولعان ەدى. مالىمەتكە سۇيەنسەك، ورتتەن قازا تاپقان مارقۇمدار - ءبىر اۋلەتتىڭ مۇشەلەرى.
تۇندە 360 شارشى مەترلىك كوتتەدجدەن ءورت شىعىپ، 12 ادام قازا تاپقان. ورتەنگەن ءۇي يەسىنىڭ وتباسى تۇگەل كوز جۇمعان.
تۇركىستان وبلىسىنىڭ اكىمدىگى مالىمەتىنشە، قازا تاپقانداردىڭ ىشىندە 1 جاستان 16 جاسقا دەيىنگى 9 كامەلەتكە تولماعان بالا بار.
پوليسيا نە دەيدى؟
جەتىساي اۋدانىنداعى ءورت بويىنشا "ءورت قاۋىپسىزدىگى تالاپتارىن بۇزۋ" بابىمەن قىلمىستىق ءىس قوزعالدى.
"ءقازىر بولعان وقيعانىڭ بارلىق ءمان-جايىن انىقتاۋعا باعىتتالعان ءىس-شارالار جۇرگىزىلىپ جاتىر"، - دەدى تۇركىستان وبلىسى پد باسپا ءسوز قىزمەتى وكىلى.
