الەۋمەتتىك تاۋارلار باعاسىن نەگىزسىز كوتەرگەن ساتۋشىلارعا 50،8 ملن تەڭگەگە جۋىق ايىپپۇل سالىندى، دەپ حابارلايدى Dalanews.kz.
ساۋدا جانە ينتەگراسيا مينيسترلىگى مالىمەتىنشە، ماسەلەن باتىس قازاقستان وبلىسىندا "جۇلدىز" جەكە كاسىپكەرلىگى "يلەسكايا" تۇزىن كەلىسىن 55 تەڭگەدەن ساتىپ الىپ، 90 تەڭگەدەن ساتقان. ساۋدا ۇستەمەسى - 63،6 پايىز.
"ۇلىتاۋ وبلىسىندا جەكە كاسىپكەر "شەديەۆر" كۇنباعىس مايىن (1 ل) 1100 تەڭگەدەن ساتقان، ساۋدا ۇستەمەسى 22،22 پايىزعا جەتكەن. قوستاناي وبلىسىندا جەكە كاسىپكەر پيازدىڭ كەلىسىن 150 تەڭگەدەن ساتقان، ساۋدا ۇستەمەسى - 50 پايىز"، - دەپ جازىلعان مينيسترلىك حابارلاماسىندا.
بۇل دەرەكتەر بويىنشا كاسىپكەرلەرگە قازاقستان رەسپۋبليكاسىنىڭ اكىمشىلىك قۇقىقبۇزۋشىلىق تۋرالى كودەكسىنىڭ 204-4-بابىنا سايكەس اكىمشىلىك شارالار قولدانىلعان.
