قازاقستاندا “زاڭ مەن ءتارتىپ” جاڭا سيفرلىق سەرۆيسى ىسكە قوسىلدى، — دەپ حابارلايدى Polisia.kz.
ىشكى ىستەر مينيسترلىگى “زاڭ مەن ءتارتىپ” اتتى جاڭا سيفرلىق سەرۆيستى ىسكە قوستى – ەندى ازاماتتار قۇقىق بۇزۋشىلىقتار تۋرالى پوليسياعا تىكەلەي Egov Mobile قوسىمشاسى ارقىلى حابارلاي الادى.
قوسىمشانىڭ باستى بەتىندە ارنايى “زاڭ مەن ءتارتىپ” تۇيمەسى پايدا بولدى. سول ارقىلى حابارلامانى جەدەل جولداۋعا بولادى. ءوتىنىش بەرۋ قاراپايىم ءارى تۇسىنىكتى.
قوعامدىق ءتارتىپتى بۇزۋ، تۇرمىستىق زورلىق-زومبىلىق، جول-كولىك وقيعاسى نەمەسە بالاعا تونگەن ءقاۋىپ سياقتى جاعدايلار تۋرالى دابىل بىردەن پوليسياعا تۇسەدى جانە پوليسيا قىزمەتكەرلەرى حابارلاما تۇسكەن ساتتەن باستاپ ارەكەت ەتەدى.
وسىنداي تۇيمەلەر كەيبىر بانك قوسىمشالارىنا دا ينتەگراسيالانعان، بۇل سەرۆيستى كەڭ اۋديتوريا ءۇشىن قولجەتىمدى ەتەدى. جوبا ءىىم جۇرگىزىپ جاتقان اۋقىمدى سيفرلاندىرۋ پروسەسىنىڭ ءبىر بولىگىنە اينالدى.
ماقسات – پوليسيا مەن ازاماتتار اراسىنداعى ءوزارا ارەكەتتەستىكتى جەڭىلدەتۋ جانە جەدەلدەتۋ، جەدەل ارەكەت ەتۋ دەڭگەيىن ارتتىرۋ جانە كومەكتى بارىنشا قولجەتىمدى ەتۋ. سەرۆيس تاۋلىك بويى جۇمىس ىستەيدى، وتىنىشتەر بۇكىل ەل اۋماعىندا قابىلدانادى.
