Qazaqstanda “Zań men Tártip” jańa tsifrlyq servisi iske qosyldy, — dep habarlaidy Polisia.kz.
Ishki ister ministrligi “Zań men Tártip” atty jańa tsifrlyq servisti iske qosty – endi azamattar quqyq buzýshylyqtar týraly politsiiaǵa tikelei Egov Mobile qosymshasy arqyly habarlai alady.
Qosymshanyń basty betinde arnaiy “Zań men Tártip” túimesi paida boldy. Sol arqyly habarlamany jedel joldaýǵa bolady. Ótinish berý qarapaiym ári túsinikti.
Qoǵamdyq tártipti buzý, turmystyq zorlyq-zombylyq, jol-kólik oqiǵasy nemese balaǵa tóngen qaýip siiaqty jaǵdailar týraly dabyl birden politsiiaǵa túsedi jáne politsiia qyzmetkerleri habarlama túsken sátten bastap áreket etedi.
Osyndai túimeler keibir bank qosymshalaryna da integratsiialanǵan, bul servisti keń aýditoriia úshin qoljetimdi etedi. Joba IIM júrgizip jatqan aýqymdy tsifrlandyrý protsesiniń bir bóligine ainaldy.
Maqsat – politsiia men azamattar arasyndaǵy ózara árekettestikti jeńildetý jáne jedeldetý, jedel áreket etý deńgeiin arttyrý jáne kómekti barynsha qoljetimdi etý. Servis táýlik boiy jumys isteidi, ótinishter búkil el aýmaǵynda qabyldanady.
