Semeide kásipkerdi aldap, 4,3 mln teńgeni qaltaǵa basqan kúdikti ustaldy, dep habarlaidy dalanews.kz.
30 jastaǵy jeke kásipker politsiiaǵa alaiaqtyq týraly aryzben júgingen. Jábirlenýshiniń aitýynsha, 2024 jyly tamyz-qyrkúiek aralyǵynda beitanys er adam senimge kirip, aqshany kóbeitýge kómektesemin degen jeleýmen tenderlerge qatysý arqyly paida tabýǵa ýáde berip, onyń 4,3 mln teńgeden asa aqshasyn iemdenip ketken.
Jedel izdestirý is-sharalary barysynda politsiia qyzmetkerleri kúdiktini anyqtady. Ol 28 jastaǵy jergilikti turǵyn bolyp shyqty. Kúdikti óz kinásin moiyndaǵan. Alaida aqshany jumsap úlgergen.
"Dálel retinde bank málimetiniń kóshirmesi tárkilendi. Bul derek boiynsha sotqa deiingi tergeý bastaldy", - dedi óńir politsiiasy.
