Qazaqstanda azamattyń dástúrli emes jynystyq baǵdary nemese dini kózqarasy ony merzimdi áskeri qyzmetten bosatýǵa negiz bola almaidy. Bul týraly qorǵanys ministriniń orynbasary Asqar Mustabekov málimdedi, dep habarlaidy dalanews.kz.
Vitse-ministrden áskerge shaqyrylýshynyń dástúrli emes jynystyq baǵdary áskeri qyzmetten jaltarýǵa sebep bola ala ma degen suraqqa jaýap berý suralǵan.
Asqar Mustabekovtiń aitýynsha, mundai jaǵdailar áskerge shaqyrýdan bosatýǵa negiz retinde qarastyrylmaidy.
«Dini senimderge qatysty da ustanym osyndai. Bul áskeri qyzmetten bosatýǵa sebep bolmaidy», – dedi ol.
Sonymen qatar ministrdiń orynbasary Qazaqstandaǵy qoldanystaǵy zańnamaǵa toqtaldy.
«Bizde genderlik saiasatqa, LGBT máselesine qatysty zańnamalyq shekteýler bar», – dep atap ótti Asqar Mustabekov.
Osylaisha, Qorǵanys ministrliginiń málimetinshe, azamattyń dini kózqarasy nemese dástúrli emes jynystyq baǵdary ony mindetti áskeri qyzmetten bosatýǵa quqyq bermeidi.
