«Nur Otan» پارتياسى شقو فيليالى ءتوراعاسىنىڭ ءبىرىنشى ورىن­باسارى ولەگ چۋگۋنكوۆ وڭىرلىك پارتيا قاتارىنان شىعاتىنىن ءمالىم ەتكەن دەپۋتاتتارعا قاتىستى پىكىر ءبىلدىردى.

ونىڭ اتاپ وتكەنىندەي دابىل قاعاتىنداي، جاھاندىق قۇبىلىستار ورىن الىپ جاتقان جوق.

"ءيا، راسىندا، ءبىزدىڭ فراكسيادان قالالىق ءماسليحاتتىڭ ەكى دەپۋتاتى «Nur Otan» پارتياسىنان شىعاتىندىعىن جانە دەپۋتاتتىق وكىلەتتىلىكتەرىن توقتاتاتىندىقتارى تۋرالى مالىمدەدى.

وسىعان بايلانىستى، ساياسي پارتيا – بۇل ورتاق ساياسي ماقساتتار مەن ۇستانىمدار نەگىزىندە قۇرىلعان ازاماتتاردىڭ ەرىكتى بىرلەستىگى ەكەنىن ەسكە سالعىم كەلەدى. وسىلايشا، ەكى ازامات وزدەرىنىڭ اجىراماس كونستيتۋسيالىق قۇقىقتارىن ەكى رەت پايدالاندى: ءبىرىنشى رەت پارتياعا كىرگەندە، ەكىنشىسى ودان شىققان كەزدە. ولارعا ايتارىمىز! جولدارى اشىق بولسىن! ءبىز ەشكىمدى كۇشپەن ۇستامايمىز"، – دەدى ول.



ونىڭ ايتۋىنشا كەلەسى ايدان باستاپ پارتيا قاتارىنداعى دەپۋتاتتاردىڭ قوعامدىق رەيتينگىن قالىپتاستىرۋ ءۇشىن ونلاين پلاتفورمانى ىسكە قوسىلادى. بۇل رەيتينگ ءماسليحات دەپۋتاتتارىن حالىقپەن نەعۇرلىم ءتيىمدى جانە تۇراقتى ءوزارا ءىس-قيمىل جاساۋعا ىنتالاندىرۋ جانە سايلاۋ الدىنداعى باعدارلامالاردى ىسكە اسىرۋ ءۇشىن ولاردىڭ دەربەس جاۋاپكەرشىلىگىن ارتتىرۋ ماقساتىندا قۇرىلماق.

پارتيا وكىلىنىڭ پىكىرىنشە "Nur Otan" ۇنەمى جاڭعىرۋ ۇستىندە جۇرەتىن ساياسي ۇيىم. ءوزىن پارتيانىڭ ءبىر بولشەگى سەزىنبەيتىن تۇلعالاردى ەشكىم ۇستاپ تۇرمايدى. پارتيا قاتارىن "تازارتۋ" جىل سايىن جۇرگىزىلەدى.

 

كەتكەن ادامداردىڭ ورنى ساياسي ۇيىمعا قوسىلعىسى كەلەتىن ازاماتتارمەن ۇنەمى تولىعىپ تۇرادى. ونىڭ اتاپ وتكەنىندەي ءقازىر وبلىستىق "Nur Otan" قاتارىنا كىرۋگە 200 –دەن استام ادام ءوتىنىش بەرىپ قويعان.

"بىرنەشە ادام كەتسە دە - بۇل ەشقانداي ماسەلەنى وزگەرتپەيدى. مۇنى پارتيانىڭ ءوزىن-وزى تازارتۋ اكتىسى رەتىندە قاراڭىز.

اتى اتالعان ەكى ازامات پارتيا قاتارىندا كىرگەلى بەرى بىردە-بىر رەت بەلسەندىلىك تانىتقان جوق. پارتيا مۇرىندىق بولعان ەشبىر الەۋمەتتىك جوباعا اتسالىسپادى. وزگەلەردەن وقشاۋلانىپ، تىم-تىرىس كۇن كەشتى.

ولارعا ماندات قانا كەرەك بولدى. دەپۋتاتتىق قىزمەتتە وتىرىپ تا تۇك بىتىرگەن جوق! ولار پارتيانىڭ يميدجىنە كەسىرىن تيگىزە المايدى. حايپ قۋعاندارعا مۇحتاج ەمەسپىز.

يا، بيلەۋشى ساياسي كۇش ءارقاشان ەلدىڭ بارلىق پروبلەمالارى ءۇشىن جاۋاپ بەرەدى. "Nur Otan" باسەكەلەستىك كۇرەس ارقىلى كوشباسشى پارتيا، حالىقتىق وكىلدىك پارتياسى جانە پارلامەنتتىك كوپشىلىك بولىپ تابىلاتىنىن دالەلدەدى.

ءبىزدىڭ الدىمىزدا كوپ جۇمىس پەن مىندەتتەر تۇر. بۇعان ازاماتتاردىڭ شەشىمىنە الاڭداۋعا ۋاقىت جوق. مەملەكەت باسشىسى جاريالاعان رەفورمالاردى ساپالى جۇزەگە اسىرۋ ءۇشىن پارتيامىز تەك نىعايا تۇسەتىنىنە سەنىمدىمىن.

«بەگى مەن حالقىنىڭ ىنتىماعى جوق جەردە، دۇشپانىنىڭ الداۋىنا سەنگەن، ارباۋىنا كونگەن جەردە، ءىنىسى مەن اعاسى داۋلاسقان، بەگى مەنەن قاراشاسى جاۋلاسقان جەردە ەل ەلدىگىنەن ايىرىلادى»- دەگەن ەكەن كۇلتەگەن بابامىز.

ەگەمەن ەلىمىزدىڭ ەرتەڭىنىڭ باياندى بولۋى، ەلدەگى ازاماتتاردىڭ بەرەكە بىرلىگىندە ەكەندىگى شىندىق. سوندىقتاندا ەلىمىزدىڭ دامۋىمەن وركەندەۋى جولىندا بىرلەسە جۇمىس اتقارىپ، ەل مويىنىنا تۇسكەن جۇكتى جۇمىلا كوتەرۋىمىز قاجەت"، – دەيدى "Nur Otan" پارتياسى شقو فيليالى ءتوراعاسىنىڭ ءبىرىنشى ورىن­باسارى.

ايتا كەتەلىك 24 قاڭتاردا سەمەي قالالىق ءماسليحاتىنىڭ ەكى دەپۋتاتى ايدوس قيسامەنوۆ پەن دۋلات قاجمۇحانبەت "باسشىلىققا سەنىمى جوعالعاندىقتان" "نۇر وتان" پارتياسى قۇرامىنان شىعىپ، دەپۋتاتتىق مانداتىنان باس تارتاتىنىن مالىمدەدى.

جۇك ۆاگوندارىن جوندەۋمەن اينالىساتىن "تەمىر-ترانس" كومپانياسىنىڭ ديرەكتورى دۋلات قاجمۇحانبەت – قالالىق ءماسليحاتقا 2020 جىلى دەپۋتات بولعان. جەلتوقسان ايىندا ول Facebook پاراقشاسىندا نۇرسۇلتان نازاربايەۆتىڭ ماقالاسىنان ءۇزىندى كەلتىرىپ، مەملەكەت "ۇلكەن جەتىستىككە جەتتى" دەپ مالىمدەگەن.

Semey Mall ساۋدا ورتالىعىنىڭ يەسى ايدوس قيسامەنوۆ تە سەمەي ءماسليحاتىنا 2020 جىلى دەپۋتات بولىپ سايلانعان. ول بۇرىن سەمەيدەگى ساۋلەت ەسكەرتكىشىمەن بايلانىستى داۋعا ىلىككەن.