Onyń atap ótkenindeı dabyl qaǵatyndaı, jahandyq qubylystar oryn alyp jatqan joq.
"Iá, rasynda, bizdiń fraksıadan qalalyq máslıhattyń eki depýtaty «Nur Otan» partıasynan shyǵatyndyǵyn jáne depýtattyq ókilettilikterin toqtatatyndyqtary týraly málimdedi.
Osyǵan baılanysty, saıası partıa – bul ortaq saıası maqsattar men ustanymdar negizinde qurylǵan azamattardyń erikti birlestigi ekenin eske salǵym keledi. Osylaısha, eki azamat ózderiniń ajyramas konstıtýsıalyq quqyqtaryn eki ret paıdalandy: birinshi ret partıaǵa kirgende, ekinshisi odan shyqqan kezde. Olarǵa aıtarymyz! Joldary ashyq bolsyn! Biz eshkimdi kúshpen ustamaımyz", – dedi ol.
Onyń aıtýynsha kelesi aıdan bastap partıa qataryndaǵy depýtattardyń qoǵamdyq reıtıńin qalyptastyrý úshin onlaın platformany iske qosylady. Bul reıtıń máslıhat depýtattaryn halyqpen neǵurlym tıimdi jáne turaqty ózara is-qımyl jasaýǵa yntalandyrý jáne saılaý aldyndaǵy baǵdarlamalardy iske asyrý úshin olardyń derbes jaýapkershiligin arttyrý maqsatynda qurylmaq.
Partıa ókiliniń pikirinshe "Nur Otan" únemi jańǵyrý ústinde júretin saıası uıym. Ózin partıanyń bir bólshegi sezinbeıtin tulǵalardy eshkim ustap turmaıdy. Partıa qataryn "tazartý" jyl saıyn júrgiziledi.
Ketken adamdardyń orny saıası uıymǵa qosylǵysy keletin azamattarmen únemi tolyǵyp turady. Onyń atap ótkenindeı qazir oblystyq "Nur Otan" qataryna kirýge 200 –den astam adam ótinish berip qoıǵan.
"Birneshe adam ketse de - bul eshqandaı máseleni ózgertpeıdi. Muny partıanyń ózin-ózi tazartý aktisi retinde qarańyz.
Aty atalǵan eki azamat partıa qatarynda kirgeli beri birde-bir ret belsendilik tanytqan joq. Partıa muryndyq bolǵan eshbir áleýmettik jobaǵa atsalyspady. Ózgelerden oqshaýlanyp, tym-tyrys kún keshti.
Olarǵa mandat qana kerek boldy. Depýtattyq qyzmette otyryp ta túk bitirgen joq! Olar partıanyń ımıjine kesirin tıgize almaıdy. Haıp qýǵandarǵa muhtaj emespiz.
Ia, bıleýshi saıası kúsh árqashan eldiń barlyq problemalary úshin jaýap beredi. "Nur Otan" básekelestik kúres arqyly kóshbasshy partıa, halyqtyq ókildik partıasy jáne parlamenttik kópshilik bolyp tabylatynyn dáleldedi.
Bizdiń aldymyzda kóp jumys pen mindetter tur. Buǵan azamattardyń sheshimine alańdaýǵa ýaqyt joq. Memleket basshysy jarıalaǵan reformalardy sapaly júzege asyrý úshin partıamyz tek nyǵaıa túsetinine senimdimin.
«Begi men halqynyń yntymaǵy joq jerde, dushpanynyń aldaýyna sengen, arbaýyna kóngen jerde, inisi men aǵasy daýlasqan, begi menen qarashasy jaýlasqan jerde el eldiginen aıyrylady»- degen eken Kúltegen babamyz.
Egemen elimizdiń erteńiniń baıandy bolýy, eldegi azamattardyń bereke birliginde ekendigi shyndyq. Sondyqtanda elimizdiń damýymen órkendeýi jolynda birlese jumys atqaryp, el moıynyna túsken júkti jumyla kóterýimiz qajet", – deıdi "Nur Otan" partıasy SHQO fılıaly tóraǵasynyń birinshi orynbasary.
Aıta ketelik 24 qańtarda Semeı qalalyq máslıhatynyń eki depýtaty Aıdos Qısamenov pen Dýlat Qajmuhanbet "basshylyqqa senimi joǵalǵandyqtan" "Nur Otan" partıasy quramynan shyǵyp, depýtattyq mandatynan bas tartatynyn málimdedi.
Júk vagondaryn jóndeýmen aınalysatyn "Temir-Trans" kompanıasynyń dırektory Dýlat Qajmuhanbet – qalalyq máslıhatqa 2020 jyly depýtat bolǵan. Jeltoqsan aıynda ol Facebook paraqshasynda Nursultan Nazarbaevtyń maqalasynan úzindi keltirip, memleket "úlken jetistikke jetti" dep málimdegen.
Semey Mall saýda ortalyǵynyń ıesi Aıdos Qısamenov te Semeı máslıhatyna 2020 jyly depýtat bolyp saılanǵan. Ol buryn Semeıdegi sáýlet eskertkishimen baılanysty daýǵa ilikken.
