تالعار اۋداندىق ورتالىق اۋرۋحاناسىنىڭ دەرٸگەرلەرٸ ٶمٸرٸنە تٸكەلەي قاۋٸپ تٶنگەن 25 جاستاعى پاتسيەنتكە شۇعىل وپەراتسييا جاساپ, ونىڭ ٶمٸرٸن ساقتاپ قالدى, دەپ حابارلايدى dalanews.kz.
جاس ەيەل جەدەل جەردەم ارقىلى اۋرۋحاناعا ٸشتٸڭ جوعارعى بٶلٸگٸندەگٸ قاتتى اۋىرسىنۋ, جٷرەك اينۋ, قۇسۋ جەنە دەنە قىزۋىنىڭ 38,7 گرادۋسقا دەيٸن كٶتەرٸلۋٸنە بايلانىستى جەتكٸزٸلگەن.
دەرٸگەرلەر جٷرگٸزگەن تەكسەرۋ بارىسىندا پاتسيەنتتەن پەريتونيت, پانكرەونەكروز, پانكرەاتوگەندٸ شوك جەنە كٶپ اعزالىق جەتكٸلٸكسٸزدٸك انىقتالعان. ياعني ۇيقى بەزٸ اۋىر زاقىمدانىپ, ناۋقاستىڭ ٶمٸرٸنە تٸكەلەي قاۋٸپ تٶنگەن. مۇنداي جاعدايدا ۋاقىت جوعالتۋ ادام ٶمٸرٸنە ەسەر ەتۋٸ مٷمكٸن بولعاندىقتان, مەديتسينا ماماندارى شۇعىل حيرۋرگييالىق ارالاسۋ تۋرالى شەشٸم قابىلداعان.
وپەراتسييا كەزٸندە حيرۋرگتەر ورتاڭعى لاپاروتومييا, ٸش قۋىسىن تەكسەرۋ جەنە ٸشپەردە ارتىنداعى ايماقتاردى درەناجداۋ جۇمىستارىن جٷرگٸزگەن. وپەراتسييالىق ٷستەلدە حيرۋرگ-وپەراتور تاستانقۇلوۆ قۋاندىق ەربولاتۇلى, اسسيستەنت كوكريكوۆ ر.س., انەستەزيولوگ امرين س.ت. جەنە وپەراتسييالىق مەيٸربيكە وتارباەۆا گ.د. جۇمىس ٸستەگەن.
«ناۋقاس بٸزگە ٶتە اۋىر جاعدايدا تٷستٸ, سوندىقتان ۋاقىتتى جوعالتپاي, شۇعىل وپەراتسييا جاساۋ تۋرالى شەشٸم قابىلدادىق. وپەراتسييا كەزٸندە ٸش قۋىسىندا ايقىن قابىنۋ پروتسەسٸ مەن ۇيقى بەزٸنٸڭ اۋىر زاقىمدانعانىن انىقتادىق. نەگٸزگٸ ماقساتىمىز – ينفەكتسييانىڭ ەرٸ قاراي تارالۋىنا جول بەرمەي, اعزانىڭ قالىپتى جۇمىسىن قالپىنا كەلتٸرۋ بولدى. وپەراتسييادان كەيٸن پاتسيەنت بٸرنەشە كٷن بويى دەرٸگەرلەردٸڭ تۇراقتى باقىلاۋىندا بولىپ, قاجەتتٸ ەم قابىلدادى. قازٸر ونىڭ جاعدايى تۇراقتى, وڭ ديناميكا بايقالدى. مۇنداي جاعدايلاردا ٸشتٸڭ قاتتى جەنە ۇزاققا سوزىلعان اۋىرسىنۋىن ەلەمەي, دەر كەزٸندە مەديتسينالىق كٶمەككە جٷگٸنۋ ٶتە ماڭىزدى», – دەدٸ حيرۋرگ قۋاندىق ەربولاتۇلى.
الايدا وپەراتسييا پاتسيەنت ٷشٸن ٶمٸر ٷشٸن كٷرەستٸڭ العاشقى كەزەڭٸ عانا بولعان. ودان كەيٸن ول دەرٸگەرلەردٸڭ تۇراقتى باقىلاۋىندا بولىپ, قارقىندى تەراپييا, ينفۋزييالىق ەم, پارەنتەرالدى تاماقتانۋ جەنە باكتەريياعا قارسى تەراپييا العان.
مەديتسينا قىزمەتكەرلەرٸ ونىڭ جاعدايىنداعى ەڭ كٸشكەنتاي ٶزگەرٸستەردٸڭ ٶزٸن باقىلاپ, اعزانىڭ قالپىنا كەلۋٸنە بارىنشا جاعداي جاساعان. ەمنٸڭ ونىنشى تەۋلٸگٸنە قاراي پاتسيەنتتٸڭ اسقازان-ٸشەك جولىنىڭ جۇمىسى بٸرتٸندەپ قالپىنا كەلە باستاعان. زەرتحانالىق كٶرسەتكٸشتەرٸ جاقسارىپ, اعزاسى جٷرگٸزٸلگەن ەمگە جاۋاپ بەرگەن. ال 25 تەۋلٸكتەن كەيٸن ەيەل ستاتسيوناردان شىعارىلىپ, امبۋلاتورييالىق باقىلاۋعا جٸبەرٸلگەن.
وقيعاداعى تاعى بٸر نازار اۋدارارلىق جايت – پاتسيەنتتٸڭ اۋرۋ تاريحىندا اۋىر پانكرەاتيتتٸڭ كەڭ تارالعان قاۋٸپ فاكتورلارى انىقتالماعان. دەرٸگەرلەردٸڭ مەلٸمەتٸنشە, انامنەزدەگٸ ماڭىزدى فاكتورلاردىڭ بٸرٸ ەنەرگەتيكالىق سۋسىنداردى شامادان تىس تۇتىنۋ بولعان.
ماماندار ەنەرگەتيكالىق سۋسىندارداعى كوفەين, تاۋرين جەنە باسقا دا ستيمۋلياتورلاردىڭ جوعارى مٶلشەرٸ قان تامىرلارىنىڭ تٷيٸلۋٸنە, سۋسىزدانۋعا جەنە زات الماسۋ بۇزىلىستارىنا ىقپال ەتۋٸ مٷمكٸن ەكەنٸن اتاپ ٶتكەن. مۇنداي ٶزگەرٸستەر ۇيقى بەزٸندەگٸ قان اينالىمىنا ەسەر ەتۋٸ ىقتيمال.
سونىمەن بٸرگە بۇل جاعدايدى ەنەرگەتيكالىق سۋسىنداردىڭ پانكرەونەكروزعا تٸكەلەي سەبەپ بولعانىنىڭ دەلەلٸ رەتٸندە قاراستىرۋعا بولمايدى. دەرٸگەرلەردٸڭ جازباسىندا ولاردىڭ پاتسيەنتتٸڭ جاعدايىنداعى ىقتيمال ماڭىزدى فاكتور بولعانى عانا كٶرسەتٸلگەن.
تالعار دەرٸگەرلەرٸنٸڭ ايتۋىنشا, بۇل جاعداي كٷردەلٸ دياگنوزدىڭ ٶزٸندە ۋاقىتىلى شەشٸم قابىلداۋ, حيرۋرگييالىق شەبەرلٸك جەنە مەديتسينالىق كوماندانىڭ ٷيلەسٸمدٸ جۇمىسى قانشالىقتى ماڭىزدى ەكەنٸن كٶرسەتتٸ.
ايتا كەتەيٸك, 25 جاستاعى ناۋقاس اۋرۋحانادان شىقتى. ال ونىڭ ٶمٸرٸن ساقتاپ قالۋ ٷشٸن دەرٸگەرلەرگە تەۋلٸك بويى بٸرنەشە اپتا بويى كٷرەسۋگە تۋرا كەلگەن.
