قازاقستان تەاترلارى جاڭا ماۋسىمدى تىڭ قويىلىمدارمەن, حالىقارالىق جوبالارمەن جەنە جاڭارعان ينفراقۇرىلىممەن اشادى. 2025-2026 جىلعى ماۋسىم قورىتىندىسى بويىنشا ەلٸمٸزدٸڭ تەاترلارىندا 16 مىڭ سپەكتاكل قويىلىپ, 410 پرەمەرا ساحنالاندى. ولاردى 2,8 ميلليوننان استام كٶرەرمەن تاماشالادى, دەپ حابارلايدى dalanews.kz.
«استانا بالەت» XIV تەاتر ماۋسىمىن 28 جەنە 29 تامىزدا كورەي ۇلتتىق بالەتٸنٸڭ گاسترول اياسىنداعى قويىلىمدارىمەن اشادى. كٶرەرمەن ادولف اداننىڭ مۋزىكاسىنا جازىلعان «كورسار» بالەتٸن تاماشالايدى. تەاتردىڭ حالىقارالىق باعدارلاماسى ۆەتنام, فرانتسييا جەنە اۋستريياداعى ٶنەر ساپارلارىمەن جالعاسىپ, قازاقستاندىق حورەوگرافييا مەن زاماناۋي رەپەرتۋار شەتەلدٸك كٶرەرمەنگە تانىستىرىلادى.
«استانا وپەرا» XIV تەاتر ماۋسىمىن 4 جەنە 5 قىركٷيەكتە احمەت جۇبانوۆ پەن لاتيف حاميديدٸڭ «اباي» وپەراسىمەن اشادى. بيىل كومپوزيتورلاردىڭ 120 جىلدىعىنا وراي بۇل تۋىندىنىڭ ساحنالانۋىنىڭ مەنٸ ايرىقشا. جاڭا ماۋسىمدا «چارلي ي يرەن», «توميريس» بالەتتەرٸ مەن بالالارعا ارنالعان «ارمان» مۋزىكالىق سپەكتاكلٸنٸڭ پرەمەرالارى ٶتەدٸ. بالەت ترۋپپاسىنىڭ يتاليياعا گاسترولٸ جەنە قازاقستان ٶڭٸرلەرٸندەگٸ ٶنەر ساپارلارى دا جوسپارلانعان.
اباي اتىنداعى قازاق ۇلتتىق وپەرا جەنە بالەت تەاترى 93-ماۋسىمىن ەبدٸجەمٸل نۇرپەيٸسوۆتٸڭ «قان مەن تەر» تريلوگيياسىنىڭ جەلٸسٸمەن قويىلعان «اقبالا» ۇلتتىق بالەتٸنٸڭ پرەمەراسىمەن اشادى. تۋىندى العاش رەت بالەت ساحناسىندا قويىلادى. ماۋسىمنىڭ اشىلۋى اياسىندا وپەرا, بالەت, سيمفونييالىق مۋزىكا, حور, دجاز, ەتنو جەنە زاماناۋي مۋزىكالىق باعىتتاردى توعىستىراتىن «مۇرا» Open-Air گالا-كونتسەرتٸ دە ٶتەدٸ.
جاڭا ماۋسىمدا بالالارعا ارنالعان قويىلىمدارعا دا باسىمدىق بەرٸلەدٸ. 2026 جىلدىڭ قاڭتار-ماۋسىم ايلارىندا تەاترلار بالالارعا 3 948 سپەكتاكل كٶرسەتٸپ, ونى 559 885 جاس كٶرەرمەن تاماشالادى. بۇل باعىتتا بالالار مەن جاسٶسپٸرٸمدەر تەاترلارى, قۋىرشاق جەنە جاستار تەاترلارى جۇمىس ٸستەپ كەلەدٸ.
عابيت مٷسٸرەپوۆ اتىنداعى قازاق مەملەكەتتٸك اكادەمييالىق بالالار مەن جاسٶسپٸرٸمدەر تەاترى بيىل 80 جىلدىق مەرەيتويىن اتاپ ٶتەدٸ. مەرەيتوي قارساڭىندا تەاتر حالىقارالىق دەڭگەيدە بٸرقاتار جەتٸستٸككە قول جەتكٸزدٸ. «ۇلپان» سپەكتاكلٸ بٸشكەكتە ٶتكەن «ART-ORDO» حالىقارالىق تەاتر فەستيۆالٸندە گران-پري يەلەنٸپ, تاعى ٷش اتالىم بويىنشا جٷلدەگە يە بولدى.
2026 جىلدىڭ العاشقى جارتىجىلدىعىندا ەلٸمٸزدٸڭ تەاترلارى 407 رەت گاسترول ۇيىمداستىردى. ونىڭ 394-ٸ ەل ٸشٸندە, 13-ٸ شەتەلدە ٶتتٸ. اۋقىمدى جوبالاردىڭ قاتارىندا اباي اتىنداعى قازاق ۇلتتىق وپەرا جەنە بالەت تەاترىنىڭ سينگاپۋرداعى جەنە عابيت مٷسٸرەپوۆ اتىنداعى تەاتردىڭ تٷركيياداعى گاسترولٸ بار.
قازاقستان تەاترلارى حالىقارالىق بايقاۋلاردا دا بٸرقاتار جەتٸستٸككە جەتتٸ. «استانا وپەرا» تەاترىنىڭ «El Voice» ۆوكال توبى «سولداتسكيي كونۆەرت» حالىقارالىق بايقاۋ-فەستيۆالٸنٸڭ گران-پري جٷلدەسٸن جەڭٸپ الدى. ال تەاتر سكريپكاشىسى باعدات ەبٸلحانوۆ داليان قالاسىندا ٶتكەن GRAND ART EXPRESS-CHINA حالىقارالىق بايقاۋىندا ٸ ورىن يەگەرٸ اتاندى.
تەاتر عيماراتتارىن جاڭارتۋ جۇمىستارى دا جالعاسىپ كەلەدٸ. الماتىدا مۇحتار ەۋەزوۆ اتىنداعى قازاق ۇلتتىق دراما تەاترى قايتا جاڭعىرتىلىپ جاتىر. جوبا اياسىندا عيماراتتىڭ تاريحي كەلبەتٸن ساقتاپ, ينجەنەرلٸك جٷيەلەرٸن جاڭارتۋ, كٶرەرمەن مەن شىعارماشىلىق ۇجىمعا زاماناۋي جاعداي جاساۋ كٶزدەلگەن.
ناتاليا ساتس اتىنداعى ورىس مەملەكەتتٸك اكادەمييالىق بالالار مەن جاسٶسپٸرٸمدەر تەاترىن جاڭارتۋ جۇمىستارى اياقتالىپ قالدى. نىساننىڭ قۇرىلىس دايىندىعى – 98%. تاريحي عيمارات پەن جاڭا جاپسارجايداعى نەگٸزگٸ جۇمىستار اياقتالىپ, ينجەنەرلٸك جٷيەلەر مەن ساحنا جابدىقتارى ورناتىلدى, اينالاسى اباتتاندىرىلدى. عيمارات 7 قاراشا كٷنٸ تەاتردىڭ تۋعان كٷنٸندە قايتا اشىلادى.
