بيىل دەستٷرلٸ «مەرەيلٸ وتباسى» بايقاۋىنا جەتٸسۋ وبلىسىنان 428 وتباسى قاتىسىپ, ٶڭٸر ٶتٸنٸمدەر سانى بويىنشا رەسپۋبليكادا ەكٸنشٸ ورىنعا يە بولدى. ٸرٸكتەۋدەن ٶتكەن 20 وتباسىنىڭ ٸشٸنەن جٷلدەگەرلەر انىقتالىپ, ولاردى وبلىس ەكٸمٸ بەيبٸت يساباەۆ ماراپاتتادى. ولار - بٸلٸم بەرۋ, سپورت, اۋىل شارۋاشىلىعى جەنە باسقا دا سالالاردا تابىستى ەڭبەك ەتٸپ جٷرگەن ەۋلەتتەر, دەپ حابارلايدى dalanews.kz.
تالدىقورعانداعى ٸ. جانسٷگٸروۆ اتىنداعى مەدەنيەت سارايىندا ٶتكەن سالتاناتتى شاراعا جينالعانداردى قۇتتىقتاعان بەيبٸت يساباەۆ:
- ەلگە دەگەن سٷيٸسپەنشٸلٸك پەن پاتريوتتىق سەزٸم ەڭ الدىمەن ەربٸر شاڭىراقتىڭ بەرەكەسٸنەن باستالادى. ەل پرەزيدەنتٸ حالىققا ۇسىنعان «ادال ادام – ادال ەڭبەك – ادال تابىس» اتتى ماڭىزدى تۇجىرىمداماسىن ٸسكە اسىرۋعا مەرەيلٸ وتباسىلار بەلسەنە قاتىسۋدا. بەرٸمٸزدٸ بٸرٸكتٸرەتٸن ورتاق ۇستانىم – بٸرلٸك پەن تاتۋلىق, ٶزارا قۇرمەت, ەڭبەكقورلىق, ۇرپاق تەربيەسٸنە دەگەن جاۋاپكەرشٸلٸك. پرەزيدەنتٸمٸز كەشە تامىز كونفەرەنتسيياسىندا ازاماتتارىمىزدىڭ مۇڭعا باتىپ, اپاتييالىق-بويكٷيەزدٸككە سالىنباي, العا پروگرەسسكە, بٸلٸم مەن تەحنولوگيياعا جارقىن بولاشاققا ۇمتىلۋى كەرەكتٸگٸن بوسقا ايتقان جوق. بٷگٸنگٸدەي ەلەمدەگٸ الماعايىپ كٷردەلٸ گەوساياسي كەزەڭدە بٸزدەر, ەسٸرەسە جاستار كٶزٸ اشىق, كٶكٸرەگٸ وياۋ, زەردەلٸ بولعانى كەرەك. ەربٸر وتباسىنىڭ وسىنداي قۇندىلىقتاردى ٶمٸرلٸك ۇستانىمعا اينالدىرۋى ماڭىزدى, - دەپ اتاپ ٶتكەن ٶڭٸر باسشىسى جەڭٸمپازداردى ماراپاتتاۋ رەسٸمٸنە كٶشتٸ.
«مەرەيلٸ وتباسى» ۇلتتىق بايقاۋىنىڭ وبلىستىق كەزەڭٸنٸڭ 1-ورىن جٷلدەسٸنە كٶكسۋلىق ەركەنوۆتەر يە بولدى. اۋىل شارۋاشىلىعى سالاسىندا ەڭبەك ەتكەن وتاعاسى سەلٸم سەيتبايۇلى كسرو سپورت شەبەرٸ, قازاق كٷرەسٸ مەن ەركٸن كٷرەستەن بٸرنەشە دٷركٸن جەڭٸمپاز بولعان. ال وتاناسى قاليپان رىسپايقىزى – 10 بالا تەربيەلەگەن «باتىر انا», «التىن جۇلدىز» جەنە «ەڭبەك ارداگەرٸ» ماراپاتتارىنىڭ يەگەرٸ. بٷگٸندە بۇل ەۋلەتتٸڭ ۇرپاقتارى مەديتسينا, عىلىم, سپورت, قۇقىق قورعاۋ, ەكونوميكا جەنە مەملەكەتتٸك قىزمەت سالالارىندا تابىستى ەڭبەك ەتٸپ, ەل دامۋىنا ٷلەس قوسىپ كەلەدٸ. 10 بالا, 26 نەمەرە, 17 شٶبەرە تەربيەلەپ وتىرعان ٶنەگەلٸ ەۋلەت. بۇل رەتتە ەركەنوۆتەر وتباسى «مەرەيلٸ وتباسى» بايقاۋىنىڭ رەسپۋبليكالىق كەزەڭٸندە جەتٸسۋ وبلىسىنىڭ نامىسىن قورعايتىن بولادى. بايقاۋدا 2 جەنە 3-ورىن ورىن العان پانفيلوۆ اۋدانىنان كەلگەن احمەتجانوۆتار مەن تالدىقورعاندىق جارمۇحامەدوۆتار وتباسى دا – جارتى عاسىر بويى شاڭىراعىنىڭ بەرەكەسٸن ۇيىتىپ, سانالى ۇرپاق ٶربٸتكەن ەۋلەتتەر. سول سيياقتى وبلىس ايماقتارىنان كەلگەن تاعى 7 وتباسى ىنتالاندىرۋ سىيلىقتارىنا يە بولدى.
جەڭٸمپازدارعا اقشالاي سەرتيفيكات, ال جٷلدەگەرلەرگە باعالى سىيلىقتار تاپسىرىلدى.
جەڭٸمپاز وتباسىلار ٶز پٸكٸرلەرٸن بٸلدٸردٸ.
- كٶكسۋ اۋدانىنىڭ ەڭبەكشٸقازاق اۋىلىندا سوناۋ 1960 جىلداردان بەرٸ تۇرامىز. ٶزٸم اۋىل شارۋاشىلىعىندا – قانت قىزىلشاسى القابىندا, سٷت زەرتحاناسىندا جۇمىس ٸستەدٸم. جولداسىم ەكەۋمٸز 10 بالا تەربيەلەپ ٶسٸردٸك. ەلۋ التى جىل تاتۋ-تەتتٸ وتاستىق, وتاعاسى 75 جاسىندا ٶمٸردەن ٶتتٸ. شٷكٸر, بالالارىمىزدىڭ بەرٸ جوعارى بٸلٸم الدى, بٸر-بٸر مامان يەسٸ. بٷگٸن بٸزدٸڭ بەرەكەلٸ شاڭىراعىمىزدى ٶزگەلەرگە ٷلگٸ ەتٸپ, جٷلدە بەرٸپ جاتقاندارىڭىزعا راحمەت ايتامىن. جاس وتباسىلارعا بٸزدٸڭ جولىمىزدى بەرسٸن, - دەدٸ كٶپ بالالى انا قاليپان رىسپايقىزى.
- ەرينە, ەربٸر وتباسى زامان كٶشٸنەن قالماي, ۋاقىتپەن بٸرگە دامىپ وتىرۋى كەرەك, بالالاردى جاڭا ماشىقتارعا ٷيرەتكەن دە ماڭىزدى. دەگەنمەن ەڭبەككە باۋلۋ, مەيٸرٸم مەن ٶزارا قامقورلىق, كٸشٸگە ٸزەت, ٷلكەنگە قۇرمەت تەربيەسٸن, ۇلتتىق قۇندىلىقتاردى ساقتاعان جٶن. سوندا وتباسى بەرٸك تە بەرەكەلٸ بولادى, - دەيدٸ جەڭٸمپاز بولعان وتباسىنىڭ وتاناسى كٷلعايشا جارمۇحامەدوۆا.
مەرەكەلٸك سالتاناتتى شارا كونتسەرتتٸك باعدارلامامەن جالعاستى.
اتاپ ٶتسەك, وبلىستا شاڭىراق كٶتەرگەن جاس وتباسىلار سانى جىلدان جىلعا ارتىپ كەلەدٸ. مەسەلەن, ٶتكەن جىلى 2 451 جاس وتاۋ قۇرىلسا, بيىلعى التى ايدىڭ ٶزٸندە 1409 وتباسى جاڭا ٶمٸرگە قادام باسقان.
