Biyl dástúrli «Mereili otbasy» baiqaýyna Jetisý oblysynan 428 otbasy qatysyp, óńir ótinimder sany boiynsha respýblikada ekinshi orynǵa ie boldy. Irikteýden ótken 20 otbasynyń ishinen júldegerler anyqtalyp, olardy oblys ákimi Beibit Isabaev marapattady. Olar - bilim berý, sport, aýyl sharýashylyǵy jáne basqa da salalarda tabysty eńbek etip júrgen áýletter, dep habarlaidy dalanews.kz.
Taldyqorǵandaǵy I. Jansúgirov atyndaǵy Mádeniet saraiynda ótken saltanatty sharaǵa jinalǵandardy quttyqtaǵan Beibit Isabaev:
- Elge degen súiispenshilik pen patriottyq sezim eń aldymen árbir shańyraqtyń berekesinen bastalady. El Prezidenti halyqqa usynǵan «Adal adam – Adal eńbek – Adal tabys» atty mańyzdy tujyrymdamasyn iske asyrýǵa mereili otbasylar belsene qatysýda. Bárimizdi biriktiretin ortaq ustanym – birlik pen tatýlyq, ózara qurmet, eńbekqorlyq, urpaq tárbiesine degen jaýapkershilik. Prezidentimiz keshe Tamyz konferentsiiasynda azamattarymyzdyń muńǵa batyp, apatiialyq-boikúiezdikke salynbai, alǵa progresske, bilim men tehnologiiaǵa jarqyn bolashaqqa umtylýy kerektigin bosqa aitqan joq. Búgingidei álemdegi almaǵaiyp kúrdeli geosaiasi kezeńde bizder, ásirese jastar kózi ashyq, kókiregi oiaý, zerdeli bolǵany kerek. Árbir otbasynyń osyndai qundylyqtardy ómirlik ustanymǵa ainaldyrýy mańyzdy, - dep atap ótken óńir basshysy jeńimpazdardy marapattaý rásimine kóshti.
«Mereili otbasy» ulttyq baiqaýynyń oblystyq kezeńiniń 1-oryn júldesine kóksýlyq Erkenovter ie boldy. Aýyl sharýashylyǵy salasynda eńbek etken otaǵasy Sálim Seitbaiuly KSRO sport sheberi, qazaq kúresi men erkin kúresten birneshe dúrkin jeńimpaz bolǵan. Al otanasy Qalipan Ryspaiqyzy – 10 bala tárbielegen «Batyr ana», «Altyn juldyz» jáne «Eńbek ardageri» marapattarynyń iegeri. Búginde bul áýlettiń urpaqtary meditsina, ǵylym, sport, quqyq qorǵaý, ekonomika jáne memlekettik qyzmet salalarynda tabysty eńbek etip, el damýyna úles qosyp keledi. 10 bala, 26 nemere, 17 shóbere tárbielep otyrǵan ónegeli áýlet. Bul rette Erkenovter otbasy «Mereili otbasy» baiqaýynyń respýblikalyq kezeńinde Jetisý oblysynyń namysyn qorǵaityn bolady. Baiqaýda 2 jáne 3-oryn oryn alǵan Panfilov aýdanynan kelgen Ahmetjanovtar men taldyqorǵandyq Jarmuhamedovtar otbasy da – jarty ǵasyr boiy shańyraǵynyń berekesin uiytyp, sanaly urpaq órbitken áýletter. Sol siiaqty oblys aimaqtarynan kelgen taǵy 7 otbasy yntalandyrý syilyqtaryna ie boldy.
Jeńimpazdarǵa aqshalai sertifikat, al júldegerlerge baǵaly syilyqtar tapsyryldy.
Jeńimpaz otbasylar óz pikirlerin bildirdi.
- Kóksý aýdanynyń Eńbekshiqazaq aýylynda sonaý 1960 jyldardan beri turamyz. Ózim aýyl sharýashylyǵynda – qant qyzylshasy alqabynda, sút zerthanasynda jumys istedim. Joldasym ekeýmiz 10 bala tárbielep ósirdik. Elý alty jyl tatý-tátti otastyq, otaǵasy 75 jasynda ómirden ótti. Shúkir, balalarymyzdyń bári joǵary bilim aldy, bir-bir maman iesi. Búgin bizdiń berekeli shańyraǵymyzdy ózgelerge úlgi etip, júlde berip jatqandaryńyzǵa rahmet aitamyn. Jas otbasylarǵa bizdiń jolymyzdy bersin, - dedi kóp balaly ana Qalipan Ryspaiqyzy.
- Árine, árbir otbasy zaman kóshinen qalmai, ýaqytpen birge damyp otyrýy kerek, balalardy jańa mashyqtarǵa úiretken de mańyzdy. Degenmen eńbekke baýlý, meiirim men ózara qamqorlyq, kishige izet, úlkenge qurmet tárbiesin, ulttyq qundylyqtardy saqtaǵan jón. Sonda otbasy berik te berekeli bolady, - deidi jeńimpaz bolǵan otbasynyń otanasy Kúlǵaisha Jarmuhamedova.
Merekelik saltanatty shara kontserttik baǵdarlamamen jalǵasty.
Atap ótsek, oblysta shańyraq kótergen jas otbasylar sany jyldan jylǵa artyp keledi. Máselen, ótken jyly 2 451 jas otaý qurylsa, biylǵy alty aidyń ózinde 1409 otbasy jańa ómirge qadam basqan.
