الماتى قالاسىنىڭ الاتاۋ اۋدانىنداعى دارابوز شاعىناۋدانىندا ورنالاسقان 12 قاباتتى تۇرعىن ٷيدە ٶرت شىعىپ, 100-دەن استام ادام قاۋٸپسٸز جەرگە كٶشٸرٸلدٸ, دەپ حابارلايدى dalanews.kz.
تٶتەنشە جاعدايلار مينيسترلٸگٸنٸڭ مەلٸمەتٸنشە, «112» قىزمەتٸنە كٶپقاباتتى تۇرعىن ٷيدەن ٶرت شىققانى تۋرالى حابارلاما تٷسكەن. ۆەدومستۆونىڭ حابارلاۋىنشا, ٶرت 11-قاباتتاعى پەتەرلەردٸڭ بٸرٸنٸڭ اس ٷيٸندە تۇتانعان.
تٶتەنشە جاعدايلار قىزمەتٸنٸڭ ماماندارى وقيعا ورنىنا جەدەل جەتٸپ, بارلاۋ جۇمىستارىن جٷرگٸزٸپ, تۇرعىنداردى قۇتقارۋ مەن ەۆاكۋاتسييالاۋعا كٸرٸسكەن.
«باسپالداق ارقىلى قۇتقارۋ قالپاقتارىن پايدالانىپ, 10 ادام, ونىڭ ٸشٸندە تٶرت بالا قۇتقارىلدى. سونداي-اق شامامەن 100 ادام ەۆاكۋاتسييالاندى», – دەپ حابارلادى تجم.
ٶرت تولىقتاي سٶندٸرٸلدٸ. زارداپ شەككەندەر جوق. قازٸرگٸ ۋاقىتتا ٶرتتٸڭ شىعۋ سەبەپتەرٸ انىقتالىپ جاتىر.
