ماجىلىستە وتكەن ەڭبەك زاڭناماسىن تالقىلاۋ بارىسىندا دەپۋتاتتار زەينەتاقى ەسەپتەۋ كەزىندە قۇقىق تەڭدىگىن قامتاماسىز ەتۋ ماسەلەسىن كوتەردى. جاڭا زاڭ جوباسىنا سايكەس، بالا كۇتىمىمەن اينالىسقان ۋاقىت انالارعا عانا ەمەس، اكەلەرگە دە ەڭبەك ءوتىلى رەتىندە ەسەپتەلەتىن بولادى، دەپ حابارلايدى Dalanews.kz.
دەپۋتات ولجاس قۇسبەكوۆ بۇل وزگەرىس مەملەكەتتىك قىزمەتشىلەر مەن اسكەري قىزمەتشىلەر اراسىندا ەرلەردىڭ جاپپاي دەكرەتكە شىعۋىنا سەبەپ بولۋى مۇمكىن بە دەپ سۇرادى. كوميتەت ءتوراعاسى اسحات ايماعامبەتوۆتىڭ سوزىنشە، جاڭا نورمانىڭ باستى ماقساتى بۇرىن انالارعا عانا بەرىلگەن قۇقىقتى اكەلەرگە دە تەڭ قولجەتىمدى ەتۋ.
"جاپپاي دەكرەتكە شىعۋ كۇتىلمەيدى، ويتكەنى بۇل قۇقىقتى قاجەت ەتەتىندەر بۇعان دەيىن-اق ونى پايدالانعان"، - دەدى اسحات ايماعامبەتوۆ.
جالپى العاندا، زاڭ اتا-انالاردىڭ قۇقىقتارىن تەڭەستىرۋگە باعىتتالعان.
