مەجٸلٸس دەپۋتاتتارى بالالارعا جەنە قامقورلىقتى قاجەت ەتەتٸن تۋىستارىنا قاراپ, جۇمىسىن قاتار اتقاراتىن اتا-انالاردىڭ جۇمىس ۋاقىتىن قىسقارتۋدى ۇسىندى, دەپ حابارلايدى Dalanews.kz.
دەپۋتات اجار ساعىندىقوۆانىڭ ايتۋىنشا, ەيەلدەر كٷنٸنە شامامەن 13 ساعاتىن جۇمىس پەن ٷي شارۋاسىنا جۇمسايدى. بۇل ولاردىڭ سوزىلمالى شارشاۋىنا جەنە كٷيزەلٸسكە ۇشىراۋىنا سەبەپ بولىپ وتىر.
ۇسىنىسقا سەيكەس, مۇنداي ازاماتتارعا جالاقىسى مەن ەلەۋمەتتٸك كەپٸلدٸكتەرٸن ساقتاي وتىرىپ, قىسقارتىلعان جۇمىس ۋاقىتىن زاڭ جٷزٸندە بەكٸتۋ قاراستىرىلىپ جاتىر. سونداي-اق يكەمدٸ جۇمىس كەستەسٸ, قاشىقتان جۇمىس ٸستەۋ مٷمكٸندٸگٸ جەنە كٷتٸمگە ارنالعان "جىلجىمالى جۇمىس كەستەسٸن" ەنگٸزۋ ۇسىنىلدى.
دەپۋتات قاراقات ەبدەن بۇل باستامانى جەڭٸلدٸك ەمەس, بالا بولاشاعى مەن وتباسى تۇراقتىلىعىنا جاسالاتىن ينۆەستيتسييا دەپ اتادى. ونىڭ ايتۋىنشا, كٸشكەنتاي بالاسى بار اتا-انالاردى قولداۋ - ستراتەگييالىق ماڭىزى بار قادام.
سونىمەن قاتار بالالارعا نەمەسە ناۋقاس تۋىستارىنا قارايتىن اتا-انالار ٷشٸن قىسقارتىلعان جۇمىس اپتاسىن ەنگٸزۋگە باعىتتالعان پيلوتتىق جوبا ٸسكە قوسىلماق.
