مەجٸلٸستە ٶتكەن ەڭبەك زاڭناماسىن تالقىلاۋ بارىسىندا دەپۋتاتتار زەينەتاقى ەسەپتەۋ كەزٸندە قۇقىق تەڭدٸگٸن قامتاماسىز ەتۋ مەسەلەسٸن كٶتەردٸ. جاڭا زاڭ جوباسىنا سەيكەس, بالا كٷتٸمٸمەن اينالىسقان ۋاقىت انالارعا عانا ەمەس, ەكەلەرگە دە ەڭبەك ٶتٸلٸ رەتٸندە ەسەپتەلەتٸن بولادى, دەپ حابارلايدى Dalanews.kz.
دەپۋتات ولجاس قۇسبەكوۆ بۇل ٶزگەرٸس مەملەكەتتٸك قىزمەتشٸلەر مەن ەسكەري قىزمەتشٸلەر اراسىندا ەرلەردٸڭ جاپپاي دەكرەتكە شىعۋىنا سەبەپ بولۋى مٷمكٸن بە دەپ سۇرادى. كوميتەت تٶراعاسى اسحات ايماعامبەتوۆتىڭ سٶزٸنشە, جاڭا نورمانىڭ باستى ماقساتى بۇرىن انالارعا عانا بەرٸلگەن قۇقىقتى ەكەلەرگە دە تەڭ قولجەتٸمدٸ ەتۋ.
"جاپپاي دەكرەتكە شىعۋ كٷتٸلمەيدٸ, ٶيتكەنٸ بۇل قۇقىقتى قاجەت ەتەتٸندەر بۇعان دەيٸن-اق ونى پايدالانعان", - دەدٸ اسحات ايماعامبەتوۆ.
جالپى العاندا, زاڭ اتا-انالاردىڭ قۇقىقتارىن تەڭەستٸرۋگە باعىتتالعان.
