سوڭعى ۋاقىتتارى استانا قالاسى اكىمدىگى جەرگىلىكتى قۇقىق قورعاۋ ورگاندارىمەن بىرلەسىپ، قالداعى ورىن الىپ جاتقان ءۆانداليزمنىڭ الدىن الۋ جانە ءتارتىپ بۇزۋشىلارمەن كۇرەس جۇمىستارىن نىعايتۋ ءۇشىن ءبىرقاتار شارالار اتقارۋدا. ءوز كەزەگىندە Dalanews.kz اقپاراتتىق اگەنتتىگى بۇل باعىتتاعى جۇمىستاردى كەڭىنەن ناسيحاتتاپ، جات قىلىقتاردى توقتاتۋعا ءوز ۇلەسىن قوسىپ كەلەدى.
بۇعان دەيىن دە قالادا كوپتەگەن قوعامدىق مۇلىكتى ءبۇلدىرۋ ارەكەتتەرى انىقتالىپ، ولار بويىنشا ءتيىستى شارالار قولدانىلعان بولاتىن. ماسەلەن، بيىلعى جىلدىڭ باسىنان بەرى پوليسيا ەلورداداعى ءبىرقاتار الەۋمەتتىك نىساندار مەن قوعامدىق ورىنداردى ارنايى باقىلاۋعا الىپ، بەينەباقىلاۋ كامەرالارى ارقىلى قاداعالادى.
وسى باقىلاۋ ناتيجەسىندە ءتۇرلى ۆانداليزم ارەكەتتەرىنە قاتىسى بار بىرنەشە ادام انىقتالىپ، ولار زاڭدى تۇردە جازاسىن العان بولاتىن. بۇل شارالار قالاداعى قوعامدىق ءتارتىپ پەن تۇرعىنداردىڭ قاۋىپسىزدىگىن ساقتاۋ ءۇشىن ماڭىزدى ءرول اتقارعانى ءسوزسىز.
تاياۋدا استانالىق قۇقىق قورعاۋشىلار جەكە ادامنىڭ مۇلكىنە زيان كەلتىرگەن تاعى ءبىر ۆاندالدى ۇستاپ، جاۋاپكەرشىلىككە تارتتى. ايتالىق 22 قىركۇيەك كۇنى كەشكى ساعات جەتىلەر شاماسىندا 34 جاستاعى ايەل ادام جانسۇگىروۆ كوشەسى، 12 ءۇيدىڭ تەرەزەسىن سىندىرىپ، مۇلكىن بۇلدىرگەن. ونىڭ ارەكەتتەرىنەن كەلتىرىلگەن شىعىن 36 145 تەڭگەنى قۇرادى. ءدال وسىنداي وقيعا بىرنەشە كۇن وتكەن سوڭ مۇحامەدحانوۆ كوشەسى، 12 ۇيدە ورىن الدى. 39 جاستاعى ەر ادام پاتەردىڭ كىرەبەرىس ەسىگىن ادەيى زاقىمداعان.
بۇگىندە قوعامدىق ءتارتىپ بۇزۋشىلاردىڭ ەكەۋى دە اكىمشىلىك جاۋاپكەرشىلىككە تارتىلىپ، ايىپپۇل سالىندى.
استانا قالاسى اكىمدىگى پەن پوليسيا دەپارتامەنتى بىرلەسىپ، «ءقاۋىپسىز قالا» باعدارلاماسىن ىسكە اسىردى. اتالىمىش باعدارلاما اياسىندا قالانىڭ ءارتۇرلى اۋداندارىنا قوسىمشا بەينەباقىلاۋ كامەرالارى ورناتىلعان بولاتىن.
بۇدان باسقا، قالا تۇرعىندارىمەن كەزدەسۋ بارىسىندا پوليسيا قىزمەتكەرلەرى ۆانداليزم ارەكەتتەرىنە قارسى كۇرەسۋدىڭ ماڭىزدىلىعىن ءتۇسىندىرىپ، قۇقىق بۇزۋشىلىقتاردىڭ الدىن الۋ بويىنشا اقپاراتتىق كەزدەسۋلەر وتكىزۋدى دە داستۇرگە اينالدىردى دەسەك بولادى.
قالاداعى الەۋمەتتىك نىساندارعا، ساياباقتارعا جانە مادەني ەسكەرتكىشتەرگە قورعاۋ شارالارى كۇشەيتۋدىڭ ماڭىزى زور. ۆانداليزم ارەكەتتەرىنە توزبەۋشىلىك تانىتۋ ءۇشىن حالىق اراسىندا ناسيحاتتاۋ جۇمىستارى كۇشەيتىپ، ءبىلىم بەرۋ مەكەمەلەرىندە ءتارتىپتى ساقتاۋ جونىندە ارنايى ساباقتار وتكىزىپ كەلەدى.
بۇدان باسقا استاناداعى قوعام بەلسەندىلەرى، ەرىكتىلەر جانە ستۋدەنتتەر دە بۇل ىسكە ءوز ۇلەستەرىن قوسۋدا. ولار ارنايى اكسيالارعا قاتىسىپ، قالالىق مۇلىكتى قورعاۋعا باعىتتالعان ءىس-شارالارعا اتسالىستى. مۇنداي باستامالار قالا تۇرعىندارى اراسىندا قوعامدىق مۇلىككە دەگەن جاۋاپكەرشىلىك سەزىمىن ارتتىرۋعا باعىتتالعان.
وسى رەتتە ەلوردادا «ستوپ، ۆاندال» اكسياسى اياسىندا استانادا كۇندىزگى جانە تۇنگى رەيدتەر ۇيىمداستىرىلىپ، حالىق اراسىندا قوعامدىق ءتارتىپتى ساقتاۋ، قالالىق مۇلىككە ۇقىپتى قاراۋ ماڭىزدىلىعى تۋرالى ءتۇسىندىرۋ جۇمىستارى قارقىندى جۇرۋدە. شارانى ۇيىمداستىرۋعا جاۋاپتى ازاماتتا اكسيانىڭ ماقساتى – ءۆانداليزمنىڭ كەز كەلگەن كورىنىسىن توقتاتىپ، ەلورداداعى تازالىق پەن ءتارتىپتى ساقتاۋدى ناسيحاتتاۋ ەكەنىن العا تارتتى. جىل بويى وتكەن اكسياعا ەلورداداعى ەرىكتىلەر، بەلسەندىلەر، تانىمال سپورتشىلار، قوعام قايراتكەرلەرى جانە قالاعا جاناشىر تۇرعىندار قاتىسقانىن ايتا كەتۋىمىز كەرەك.
قۇقىق قورعاۋ ورگاندارىنىڭ مالىمەتىنە سۇينسەك، جىل باسىنان بەرى سوت 250 ادامدى بوتەن مۇلىكتى ادەيى بۇلدىرگەنى، قوعامدىق ورىنداردى لاستاعانى، عيماراتتار مەن تۇرعىن ۇيلەردى زاقىمداعانى ءۇشىن جاۋاپكەرشىلىككە تارتتى. بۇگىندە ۆاندالداردىڭ ءبارى جازاسىن الىپ، اكىمشىلىك جاۋاپكەرشىلىككە تارتىلعان. باس قالادا ءۆانداليزمنىڭ الدىن الۋ جۇمىستارى قالالىق پروكۋراتۋرا جانە پوليسيا دەپارتامەنتىمەن ۇيلەستىرىلىپ جۇرگىزۋدە.
