جەلىدە نۇر-سۇلتان قالاسىنىڭ تۇرعىنى تۇسىرگەن ۆيدەو تاراۋدا. وندا بەلگىسىز سۇيىقتىق قۇيىلعان سيستەرنالارى بار جۇك كولىگى مەن ونىڭ قاسىندا بەت-اۋزىن تۇمشالاپ العان جاس جىگىتتەر ءجۇر.

ۆيدەو اۆتورى سيستەرنالاردا ۋ بار، بۇل ادامداردى ءولتىرۋ ءۇشىن ۋلى حيميكاتتاردى ادەيى شاشۋ دەپ پايىمدايدى. 

بۇل ءدۇدامال بولجامدى نۇر-سۇلتان قالاسىنىڭ اكىمدىگى جوققا شىعاردى.

ۆيدەودا ماسالار مەن شىبىن-شىركەيدى ۋلاۋ ءساتى تۇسىرىلگەن. دەزينفەكسيالىق جۇمىستاردى «ستوليچنايا دەزينفەكسيا» ج ش س قورشاعان ورتانى قورعاۋ جانە تابيعاتتى پايدالانۋ باسقارماسىمەن بىرلەسىپ جۇرگىزۋدە.

زيانكەستەردى جويۋ جۇمىستارى كەزىندە دەزينفەكتورلار ادامدار، جانۋارلار مەن وسىمدىكتەر ءۇشىن مۇلدەم ءقاۋىپسىز ەرىتىندىنى قولدانادى. جۇمىستار تۇنگى ۋاقىتتا جانە تاڭەرتەڭ جۇرگىزىلەدى، – دەپ حابارلايدى stopfake.kz اكىمدىكتىڭ باسپا ءسوز قىزمەتىنە سىلتەمە جاساپ.

[video width="234" height="426" mp4="https://dalanews.kz/wp-content/uploads/2021/08/231460958_354421536408074_8857111656793273437_n.mp4"][/video]

سونداي-اق، ەلوردا اكىمدىگى جالعان اقپارات تاراتقانى ءۇشىن جاۋاپكەرشىلىك قاراستىرىلعانىن ەسكە سالادى.

 

قازاقستاندىقتار «ۋ شاشۋ» تۋرالى روليكتەردى بۇعان دەيىن دە تاراتقان. Dalanews.kz اۋەدەن ۋ شاشىپ، ادامداردى ۋلايتىن ۇشاقتاردى تۇسىرگەن تۇركىستان وبلىسى ورداباسى اۋدانىنىڭ تۇرعىنى تۋرالى جازعان.

كەيىننەن ول مۇنىڭ فەيك ەكەنىن مويىنداپ، كوپشىلىك الدىندا كەشىرىم سۇرادى. قازىرگى كەزدە سوتقا دەيىنگى تەرگەۋ امالدارى جۇرگىزىلۋدە.

https://dalanews.kz/news/66079-turkistan-oblysyndagy-u-shashatyn-ushaq