Elordada ýly himikat shashqan ba? Ákimdik daýly videoǵa túsinik berdi
Video avtory tsisternalarda ý bar, bul adamdardy óltirý úshin ýly himikattardy ádeii shashý dep paiymdaidy.
Bul dúdámal boljamdy Nur-Sultan qalasynyń ákimdigi joqqa shyǵardy.
Videoda masalar men shybyn-shirkeidi ýlaý sáti túsirilgen. Dezinfektsiialyq jumystardy «Stolichnaia dezinfektsiia» JShS qorshaǵan ortany qorǵaý jáne tabiǵatty paidalaný basqarmasymen birlesip júrgizýde.
Ziiankesterdi joiý jumystary kezinde dezinfektorlar adamdar, janýarlar men ósimdikter úshin múldem qaýipsiz eritindini qoldanady. Jumystar túngi ýaqytta jáne tańerteń júrgiziledi, – dep habarlaidy stopfake.kz ákimdiktiń baspasóz qyzmetine silteme jasap.
[video width="234" height="426" mp4="https://dalanews.kz/wp-content/uploads/2021/08/231460958_354421536408074_8857111656793273437_n.mp4"][/video]
Sondai-aq, elorda ákimdigi jalǵan aqparat taratqany úshin jaýapkershilik qarastyrylǵanyn eske salady.
Qazaqstandyqtar «ý shashý» týraly rolikterdi buǵan deiin de taratqan. Dalanews.kz áýeden ý shashyp, adamdardy ýlaityn ushaqtardy túsirgen Túrkistan oblysy Ordabasy aýdanynyń turǵyny týraly jazǵan.
Keiinnen ol munyń feik ekenin moiyndap, kópshilik aldynda keshirim surady. Qazirgi kezde sotqa deiingi tergeý amaldary júrgizilýde.
https://dalanews.kz/news/66079-turkistan-oblysyndagy-u-shashatyn-ushaq
