– وسىعان دەيىن «نوماد»، «سارمات»، «ينفينيتي» سىندى تۇرعىن ءۇي كەشەندەرىنىڭ تۇرعىندارى قالانىڭ سول جاعالاۋىندا وقۋشىلار سارايىن، جاڭا مەكتەپ جانە گۇلزار سالۋ ءوتىنىش ايتقان ەدى. الداعى ۋاقىتتا بۇل – پروبلەمالاردىڭ ءبارى شەشىلدى. مىسالى، تۇران داڭعىلى بويىندا جەكە ينۆەستيسيالار ەسەبىنەن وقۋشىلار سارايىنىڭ قۇرىلىسى باستالدى. قازىرگى ۋاقىتتا الاڭدى بولشەكتەۋ (دەمونتاج) جانە تەگىستەۋ جۇمىستارى ءجۇرىپ جاتىر. وقۋشىلار سارايىنىڭ جالپى اۋماعى شامامەن 5 مىڭ شارشى مەتردى قۇرايدى. كەشەندە باسسەين، روبوتوتەحنيكا جانە IT-باعدارلامالاۋ كابينەتتەرىن، حورەوگرافيا، سپورتتىق-بال ءبيى، گيمناستيكا، شاحمات زالدارىن اشۋ جوسپارلانىپ وتىر. بۇل وقۋشىلار سارايى قالا تۇرعىندارىنىڭ ءوتىنىشى بويىنشا سول جاعالاۋدا اشىلماق. سەبەبى العاشقى سالىنعان وقۋشىلار سارايى قالانىڭ وڭ جاعالاۋىندا ورنالاسقان، – دەدى قالا باسشىسى.
قالا تۇرعىندارى مەكتەپ قۇرىلىسى ماسەلەسى بويىنشا اكىمگە ءوتىنىش ايتقان ەدى. الداعى ۋاقىتتا قابانباي باتىر داڭعىلى مەن سىعاناق كوشەسىنىڭ قيىلىسىندا «پوكولەنيە» تۇرعىن ءۇي كەشەنىنىڭ اۋدانىندا 2400 ورىندىق مەكتەپ سالىنباقشى. بۇگىندە ءبىلىم بەرۋ ورداسىنىڭ قازانشۇڭقىرىن قازۋ مەن قادالارىن قاعۋ جۇمىستارى باستالىپ كەتتى.
سونىمەن قاتار، وقۋشى ورىندارىنىڭ تاپشىلىعىن ازايتۋ ماقساتىندا № 59 مەكتەپ اۋماعىندا (ساۋران كوشەسى، 5/1) 1200 ورىندىق قوسىمشا كورپۋس سالىنباقشى. جاڭا نىسان ناۋرىز ايىنىڭ سوڭىنا دەيىن مەملەكەتتىك ساراپتامادان جوبالىق-سمەتالىق قۇجاتتاماسى شىعاتىن بولادى. ال ساۋىردە مەكتەپ قۇرىلىسىنا كونكۋرس جاريالانادى. ءوز كەزەگىندە اكىم بيىل قالاداعى مەكتەپ قۇرىلىسىنا قاراجات قاراستىرىلعانىن ايتتى.
– ءۇشىنشى ماسەلە – اشىق اسپان استىندا بوس ۋاقىتتى پايدالى وتكىزەتىن ورىن قۇرۋ. اباتتاندىرۋ ماۋسىمى باستالىسىمەن قابانباي باتىر داڭعىلىنىڭ بويىندا («ينفينيتي» تك قاراما-قارسى) اۋماقتى كوگالداندىرۋ مەن اباتتاندىرۋعا باسا ءمان بەرىلىپ، قوعامدىق كەڭىستىك سالامىز، – دەدى ەلوردا اكىمى.
