– Osyǵan deiin «Nomad», «Sarmat», «Infiniti» syndy turǵyn úi keshenderiniń turǵyndary qalanyń sol jaǵalaýynda Oqýshylar saraiyn, jańa mektep jáne gúlzar salý ótinish aitqan edi. Aldaǵy ýaqytta bul – problemalardyń bári sheshildi. Mysaly, Turan dańǵyly boiynda jeke investitsiialar esebinen Oqýshylar saraiynyń qurylysy bastaldy. Qazirgi ýaqytta alańdy bólshekteý (demontaj) jáne tegisteý jumystary júrip jatyr. Oqýshylar saraiynyń jalpy aýmaǵy shamamen 5 myń sharshy metrdi quraidy. Keshende bassein, robototehnika jáne IT-baǵdarlamalaý kabinetterin, horeografiia, sporttyq-bal bii, gimnastika, shahmat zaldaryn ashý josparlanyp otyr. Bul Oqýshylar saraiy qala turǵyndarynyń ótinishi boiynsha sol jaǵalaýda ashylmaq. Sebebi alǵashqy salynǵan Oqýshylar saraiy qalanyń oń jaǵalaýynda ornalasqan, – dedi qala basshysy.
Qala turǵyndary mektep qurylysy máselesi boiynsha ákimge ótinish aitqan edi. Aldaǵy ýaqytta Qabanbai batyr dańǵyly men Syǵanaq kóshesiniń qiylysynda «Pokolenie» turǵyn úi kesheniniń aýdanynda 2400 oryndyq mektep salynbaqshy. Búginde bilim berý ordasynyń qazanshuńqyryn qazý men qadalaryn qaǵý jumystary bastalyp ketti.
Sonymen qatar, oqýshy oryndarynyń tapshylyǵyn azaitý maqsatynda № 59 mektep aýmaǵynda (Saýran kóshesi, 5/1) 1200 oryndyq qosymsha korpýs salynbaqshy. Jańa nysan naýryz aiynyń sońyna deiin memlekettik saraptamadan jobalyq-smetalyq qujattamasy shyǵatyn bolady. Al sáýirde mektep qurylysyna konkýrs jariialanady. Óz kezeginde ákim biyl qaladaǵy mektep qurylysyna qarajat qarastyrylǵanyn aitty.
– Úshinshi másele – ashyq aspan astynda bos ýaqytty paidaly ótkizetin oryn qurý. Abattandyrý maýsymy bastalysymen Qabanbai batyr dańǵylynyń boiynda («Infiniti» TK qarama-qarsy) aýmaqty kógaldandyrý men abattandyrýǵa basa mán berilip, qoǵamdyq keńistik salamyz, – dedi elorda ákimi.
