ەلوردادا قالا تۇرعىندارىنىڭ بوس ۋاقىتىن جايلى وتكىزۋى ءۇشىن كەزەكتى ءبىر جاياۋ جۇرگىنشىلەر جولى اباتتاندىرىلدى. ەندى بارايەۆ كوشەسى (رەسپۋبليكا داڭعىلىنان ش.ءۋاليحانوۆ كوشەسىنە دەيىن) كارتاداعى قاراپايىم كقشەلەردىڭ ءبىرى عانا ەمەس، جاڭا قوعامدىق كەڭىستىككە اينالدى.
– جاياۋ جۇرگىنشىلەر پرومەنادىندا بالالارعا ارنالعان ويىن الاڭدارى، اتكەنشەكتەر، ءوز ونەرىن كورسەتۋ ءۇشىن يمپروۆيزاسيالانعان كورىنىستەرگە، ەلەكتر اۆتوكولىكتەرىن زاريادتاۋعا ارنالعان ارنايى ورىندار بار. جاياۋ جۇرگىنشىلەر وتكەلىندە قالا تۇرعىندارى اراسىندا مۇمكىندىگى شەكتەۋلى جانداردىڭ ءجۇرىپ-تۇرۋىنا كەدەرگى كەلتىرمەيتىن ورتا سالىنىپ، تروتۋارلار كەڭەيتىلگەن. سول سياقتى قوعامدىق كەڭىستىكتىڭ اۋماعىن كوگالداندىرىپ جاتىرمىز. الداعى ۋاقىتتا قوعامدىق كەڭىستىكتى ودان ءارى دامىتىپ، اباتتاندىرۋ بويىنشا ءتيىستى جۇمىستار اتقارىلاتىن بولالدى، – دەدى ەلوردا اكىمى التاي كولگىنوۆ.
اكىم جاياۋ جۇرگىنشىلەر پرومەنادىن اشۋ جونىندەگى يدەيا ورنالاسقان جەرىنە، قالا تۇرعىندارىنىڭ كوپتەپ جۇرۋىنە، تيىسىنشە دەمالاتىن ورىننىڭ بولماۋىنا بايلانىستى پايدا بولعانىن اتاپ ءوتتى.
قوعامدىق كەڭىستىك تۇجىرىمداماسىن ۋربانيستيكا ورتالىعى مەن اۋدان اكىمدىگى تۇرعىندارمەن بىرلەسىپ تالقىلاعانىن ايتا كەتۋىمىز كەرەك.
جىل باسىندا «نۇر-سۇلتان – جايلى قالا» ماستەر-جوسپارى اياسىندا بيىل 200-دەن استام اۋلا مەن قوعامدىق كەڭىستىك اباتتاندىرۋ جوسپارلانعان ەدى. قازىرگى تاڭدا 100-گە جۋىعى قوعامدىق كەڭىستىك اشىلىپ، قالا تۇرعىندارى مەن قوناقتارىنىڭ يگىلىگىنە بەرىلگەنىن ايتا كەتۋىمىز كەرەك.
– بۇگىنجاڭا امفيتەاتر (ەسىل وزەنى مەن بەيبىتشىلىك جانە كەلىسىم سارايى اراسىنداعى ساياباقتا ورنالاسقان) اشىلادى. امفيتەاتر ساحناسىندا «استانا وپەرا» تەاترىنىڭ ارتىستەرى ونەر كورسەتتى. كاسكادتى امفيتەاتر ساياباقتى ۇيلەسىمدى تۇردە جالعاپ، قالا تۇرعىندارىنىڭ دەمالاتىن ءارى شىعارماشىل جانداردىڭ تالانتىن پاش ەتەتىن ورىنعا اينالاتىنا سەنىمدىمىن، – دەدى ەلوردا اكىمى.
