ونىڭ ايتۋىنشا، ەلوردانىڭ ۇزدىك سيمۆوليكاسى بايقاۋىنىڭ ءبىرىنشى كەزەڭىندە 100-گە تارتا شىعارما تۇسكەن.
«بارلىعى سول «جاساسىن، استانا!»، «جاس قالا، مەنىڭ ماقتانىم» دەگەن سياقتى جاداعاي بولىپ كەلەدى، جارق ەتەتىندەي جاڭا وي، سالماقتى ءسوز، ايشىقتى وبراز تاپپادىق. سودان كەيىن قايتا ءبىر كورەيىك دەپ قايتادان بايقاۋ جاريالادىق. وعان 68 شىعارما ءتۇستى. بايقاۋ ۋاقىتىن سوزىپ، قايتا قاراعان كەزدە دە الدىڭعىدان وزگەشەلىك بولمادى، تاعى دا جاداعاي، جاتتاندى سوزدەر»، – دەيدى اقىن.
قازىلار القاسىنىڭ قۇرامىنا كومپوزيتور سەرىك ەركىنبەكوۆ، ساكەن ءابدىراحمانوۆ، اقىن سەرىكزات دۇيسەنعازين دە بار.
ولاردىڭ پىكىرىنشە، نۇر-سۇلتان قالاسى ءانۇرانىنىڭ ءسوزى دە، ءانى دە ەرەكشە، رۋحتى، كوركەمدىگى بيىك بولۋى شارت.
«ەگەر كەلىپ تۇسكەن شىعارمالاردىڭ ىشىندە وتە ءساتتى، اۋەنى دە، ءسوزى دە ۇيلەسىمدى كەلىپ تۇرسا شىعارىپ جىبەرۋگە بولار ەدى، ال، اسىعىستا، شيكىلى-پىسىلى، تالعامعا جاۋاپ بەرمەيتىن، سىن كوتەرمەيتىن نارسەنى ءانۇران دەپ تاپساق، ونى حالىق قابىلداماي سىنعا ۇشىراپ جاتسا، ودان قازىلار القاسى ابىروي تاپپايدى»، – دەدى نەسىپبەك ايت ۇلى.
