Elorda ánurany ne sebepti tańdalmady?
Onyń aitýynsha, elordanyń úzdik simvolikasy baiqaýynyń birinshi kezeńinde 100-ge tarta shyǵarma túsken.
«Barlyǵy sol «jasasyn, Astana!», «Jas qala, meniń maqtanym» degen siiaqty jadaǵai bolyp keledi, jarq etetindei jańa oi, salmaqty sóz, aishyqty obraz tappadyq. Sodan keiin qaita bir kóreiik dep qaitadan baiqaý jariialadyq. Oǵan 68 shyǵarma tústi. Baiqaý ýaqytyn sozyp, qaita qaraǵan kezde de aldyńǵydan ózgeshelik bolmady, taǵy da jadaǵai, jattandy sózder», – deidi aqyn.
Qazylar alqasynyń quramyna kompozitor Serik Erkinbekov, Sáken Ábdirahmanov, aqyn Serikzat Dúisenǵazin de bar.
Olardyń pikirinshe, Nur-Sultan qalasy ánuranynyń sózi de, áni de erekshe, rýhty, kórkemdigi biik bolýy shart.
«Eger kelip túsken shyǵarmalardyń ishinde óte sátti, áýeni de, sózi de úilesimdi kelip tursa shyǵaryp jiberýge bolar edi, al, asyǵysta, shikili-pisili, talǵamǵa jaýap bermeitin, syn kótermeitin nárseni ánuran dep tapsaq, ony halyq qabyldamai synǵa ushyrap jatsa, odan qazylar alqasy abyroi tappaidy», – dedi Nesipbek Aituly.
