ءىس-شارا اياسىندا "جانۇيا" وتباسى ينستيتۋتىن قولداۋ ورتالىعىندا ەلوردا اكىمى التاي كولگىنوۆ، ەلوردا اكىمىنىڭ ورىنباسارلارى، باسقارما باسشىلارى مەن اۋدان اكىمدەرى ازاماتتاردى قابىلدادى. قابىلداۋعا كەلگەن ازاماتتاردىڭ ءبىر بولىگى جالعا بەرىلەتىن تۇرعىن ۇيگە قاتىستى سۇراقتار قويدى.
قالا اكىمى التاي كولگىنوۆ تۇرعىندار ساتىپ الۋ قۇقىعىنسىز جالعا بەرىلەتىن تۇرعىن ءۇيدى 5 جىلدان كەيىن قايتارىپ بەرۋگە مىندەتتى ەمەس ەكەندەرىن، پاتەر شارتىن ءار 5 جىل سايىن ۇزارتىپ سول پاتەردە تۇرا بەرە الاتىندارىن ايتتى. (بۇل قاتارعا جۇمىس ىستەيتىن جاستارعا ارنالعان ساتىپ الۋ قۇقىعىنسىز جالعا بەرىلەتىن تۇرعىن ءۇي جاتپايدى).
"ساتىپ الۋ قۇقىعىنسىز جالعا بەرىلەتىن تۇرعىن ۇيدە تۇرعىندار 5 جىل سايىن جالداۋ شارتىن ۇزارتا وتىرىپ، ءومىر بويى تۇرا الادى. ءسىز قۇجاتتا كورسەتكەن بالالارىڭىز تۇرعىن ءۇي شارتىن ءوز اتىنا قايتا رەسىمدەۋگە قۇقىلى. سونىمەن قاتار پاتەر شارتىن ۇزارتىپ قانا پاتەردە تۇرۋعا قۇقىلىسىز"، - دەدى ا. كولگىنوۆ.
سونداي-اق، قابىلداۋعا جازىلعان ازاماتتار ارنايى الەۋمەتتىك كومەك الۋ، جۇمىسقا ورنالاسۋ، بالالاردى بالاباقشاعا كەزەككە قويۋ، تۇرعىن ءۇي باعدارلامالارىنا قاتىسۋ، ۇلەستىك قۇرىلىس ماسەلەلەرى بويىنشا سۇراقتار قويدى. ءار ساۋال بويىنشا جۇمىس جۇرگىزىلەدى.
4 اي ىشىندە ەلوردا اكىمى التاي كولگىنوۆ 600-گە جۋىق ادامدى قابىلدادى. سۇراقتاردىڭ باسىم بولىگى شەشىلدى.
سونداي-اق، ازاماتتاردى قابىلداۋ جۇيەلى تۇردە اۋدان اكىمدىكتەرىندە ورنالاسقان open akimat، قالالىق اكىمدىكتە وتەدى. ال iQala ءبىرىڭعاي قالالىق قىزمەت كورسەتۋ ورتالىعىنىڭ الاڭىندا قالا اكىمى كاسىپكەرلەردى قابىلدايدى.
https://www.youtube.com/watch؟time_continue=11&v=mYWfSAnlYcM&feature=emb_title
