Is-shara aiasynda "Januia" otbasy institýtyn qoldaý ortalyǵynda elorda ákimi Altai Kólginov, elorda ákiminiń orynbasarlary, basqarma basshylary men aýdan ákimderi azamattardy qabyldady. Qabyldaýǵa kelgen azamattardyń bir bóligi jalǵa beriletin turǵyn úige qatysty suraqtar qoidy.
Qala ákimi Altai Kólginov turǵyndar satyp alý quqyǵynsyz jalǵa beriletin turǵyn úidi 5 jyldan keiin qaitaryp berýge mindetti emes ekenderin, páter shartyn ár 5 jyl saiyn uzartyp sol páterde tura bere alatyndaryn aitty. (bul qatarǵa jumys isteitin jastarǵa arnalǵan satyp alý quqyǵynsyz jalǵa beriletin turǵyn úi jatpaidy).
"Satyp alý quqyǵynsyz jalǵa beriletin turǵyn úide turǵyndar 5 jyl saiyn jaldaý shartyn uzarta otyryp, ómir boiy tura alady. Siz qujatta kórsetken balalaryńyz turǵyn úi shartyn óz atyna qaita resimdeýge quqyly. Sonymen qatar páter shartyn uzartyp qana páterde turýǵa quqylysyz", - dedi A. Kólginov.
Sondai-aq, qabyldaýǵa jazylǵan azamattar arnaiy áleýmettik kómek alý, jumysqa ornalasý, balalardy balabaqshaǵa kezekke qoiý, turǵyn úi baǵdarlamalaryna qatysý, úlestik qurylys máseleleri boiynsha suraqtar qoidy. Ár saýal boiynsha jumys júrgiziledi.
4 ai ishinde elorda ákimi Altai Kólginov 600-ge jýyq adamdy qabyldady. Suraqtardyń basym bóligi sheshildi.
Sondai-aq, azamattardy qabyldaý júieli túrde aýdan ákimdikterinde ornalasqan open akimat, qalalyq ákimdikte ótedi. Al iQala biryńǵai qalalyq qyzmet kórsetý ortalyǵynyń alańynda qala ákimi kásipkerlerdi qabyldaidy.
https://www.youtube.com/watch?time_continue=11&v=mYWfSAnlYcM&feature=emb_title
