جىلدىق ينفلياسيا كورسەتكىشى ۇدەپ، قازان ايىنىڭ قورىتىندىسى بويىنشا 8،5%-دى (قىركۇيەكتە – 8،3%) قۇرادى،ال اي بويىندا 0،9% قامتىدى (وتكەن ايدا – 0،4%). جىلدىق ينفلياسيا كورسەتكىشىنە وتكەن ايمەن سالىستىرعاندا تۇرعىن ءۇي قىزمەتتەرى (2،1%)، ازىق-تۇلىك جانە الكوگولدى ونىمدەر (1،9%)، كيىم-كەشەك پەن اياق-كيىمدەردىڭ باعاسىنىڭ (1%) ءوسىمى ايتارلىقتاي ىقپال ەتكەن، دەپ حابارلايدى Dalanews.kz.
ۇلتتىق ستاتيستيكا بيۋروسىنىڭ مالىمەتىنشە، تاريفتەر، اتاپ ايتقاندا سۋىق سۋعا – 60،3%، ورتالىقتان جىلىتۋعا – 33،6%، سۋ بۇرۋعا – 26،9%، ەلەكتر ەنەرگياسىنا – 22،9%، ىستىق سۋعا – 18،1%، قوقىس شىعارۋعا – 16،3%، تاراتۋ جەلىلەرى بويىنشا تاسىمالداناتىن گازعا 11،6% ءوستى.
مىنا قىزمەت تۇرلەرىندە باعا الدەقايدا ءوستى:
- بايلانىس – 17،4%،
- كەشەندى دەمالىستاردى ۇيىمداستىرۋ – 16،4%،
- شاشتارازدار مەن جەكە قىزمەت كورسەتۋ ورىندارى – 11،9%،
- ءدىني راسىمدەۋ، جەرلەۋ – 11،6%،
- دەنساۋلىق ساقتاۋ قىزمەتتەرى – 11،4%،
- دەمالىس جانە سپورتتىق ءىس-شارالار سالاسىندا – 10،8%،
- جەكە كولىك قۇرالدارىنا تەحنيكالىق قىزمەت كورسەتۋ جانە جوندەۋ – 10،7%،
- قوعامدىق تاماقتاندىرۋ قىزمەتتەرىنە 8،8% جوعارىلادى.
تەمىرجول بيلەتى – 23،7%، ۇشاق بيلەتى – 16،4%، قالالىق اۆتوبۋس تاسىمالى – 11،8%، تاكسي 10،6%-عا قىمباتتادى.
ازىق-تۇلىك سەبەتى:
قيار - 27،6%، قىزاناق – 27%، تەمەكى ونىمدەرى – 15،8%، مينەرالدى جانە اۋىز سۋ – 14،1%، كارتوپ – 13،9%، كونديتەرلىك ونىمدەر – 12،6%، سالقىنداتىلعان سۋسىندار – 11،4%، جەمىس جانە كوكونىس شىرىندار – 10،4%، جۇمىرتقا 9،4%-عا قىمباتتادى.
2024 جىلعى قازاندا ينفلياسيانىڭ جىلدىق ءمانى مىنا وڭىرلەردە جوعارى بولدى:
- استانا قالاسى (10،2%)،
- ماڭعىستاۋ وبلىسى (9،7%)،
- الماتى قالاسى جانە باتىس قازاقستان وبلىسى (9،4%).
بۇعان دەيىن ۇلتتىق بانكتىڭ قازان ايىنداعى ۆاليۋتا نارىعىنداعى احۋالعا قاتىستى ەسەبىن جاريالاعان بولاتىنبىز.
