Jyldyq infliatsiia kórsetkishi údep, qazan aiynyń qorytyndysy boiynsha 8,5%-dy (qyrkúiekte – 8,3%) qurady,al ai boiynda 0,9% qamtydy (ótken aida – 0,4%). Jyldyq infliatsiia kórsetkishine ótken aimen salystyrǵanda turǵyn úi qyzmetteri (2,1%), azyq-túlik jáne alkogoldi ónimder (1,9%), kiim-keshek pen aiaq-kiimderdiń baǵasynyń (1%) ósimi aitarlyqtai yqpal etken, dep habarlaidy Dalanews.kz.
Ulttyq statistika biýrosynyń málimetinshe, tarifter, atap aitqanda sýyq sýǵa – 60,3%, ortalyqtan jylytýǵa – 33,6%, sý burýǵa – 26,9%, elektr energiiasyna – 22,9%, ystyq sýǵa – 18,1%, qoqys shyǵarýǵa – 16,3%, taratý jelileri boiynsha tasymaldanatyn gazǵa 11,6% ósti.
Myna qyzmet túrlerinde baǵa áldeqaida ósti:
- bailanys – 17,4%,
- keshendi demalystardy uiymdastyrý – 16,4%,
- shashtarazdar men jeke qyzmet kórsetý oryndary – 11,9%,
- dini rásimdeý, jerleý – 11,6%,
- densaýlyq saqtaý qyzmetteri – 11,4%,
- demalys jáne sporttyq is-sharalar salasynda – 10,8%,
- jeke kólik quraldaryna tehnikalyq qyzmet kórsetý jáne jóndeý – 10,7%,
- qoǵamdyq tamaqtandyrý qyzmetterine 8,8% joǵarylady.
Temirjol bileti – 23,7%, ushaq bileti – 16,4%, qalalyq avtobýs tasymaly – 11,8%, taksi 10,6%-ǵa qymbattady.
Azyq-túlik sebeti:
Qiiar - 27,6%, qyzanaq – 27%, temeki ónimderi – 15,8%, mineraldy jáne aýyz sý – 14,1%, kartop – 13,9%, konditerlik ónimder – 12,6%, salqyndatylǵan sýsyndar – 11,4%, jemis jáne kókónis shyryndar – 10,4%, jumyrtqa 9,4%-ǵa qymbattady.
2024 jylǵy qazanda infliatsiianyń jyldyq máni myna óńirlerde joǵary boldy:
- Astana qalasy (10,2%),
- Mańǵystaý oblysy (9,7%),
- Almaty qalasy jáne Batys Qazaqstan oblysy (9,4%).
Buǵan deiin Ulttyq banktiń qazan aiyndaǵy valiýta naryǵyndaǵy ahýalǵa qatysty esebin jariialaǵan bolatynbyz.
