ىقىلاس وجاي ۇلى، اقىن:

ارۋ ءاقجۇنىس ايتاتىن: "قارا جەرگە قار جاۋار، قاندى كور دە، ەتىم كور..." تەڭەۋىن قازىرگى حالىمىزگە قاراي بەيىمدەسەك:

"قازاق قالاي دەسەڭىز،
حاندى كور دە، ەلدى كور،
ەلدى كور دە، حاندى كور"،-دەگەن جاڭا بايلام جاساعان بولار ەدىك.
حان - حالىقتىڭ جيىنتىق بەينەسى. حاننىڭ دەڭگەيى حالىققا، حالىقتىڭ دەڭگەيى پاتشا اعزامعا ءوز سالقىنىن تيگىزبەي قويمايدى. حوش دەلىك...
تورتكۇل دۇنيەگە ءمالىم "كەنتاۆر" اتىمىزدىڭ كەلە-كەلە "بارانعا" اينالعانى قالاي؟ بۇل "سىرت كوز سىنشىسىنىڭ" بىزگە بەرگەن ءادىل باعاسى. دالىرەك ايتساق ساپامىزدىڭ سۋرەتى-تۇعىن.
تۇلپاردان توقتىعا دەيىن قۇلدىراۋىمىزعا ءسوز جوق، تاريحىمىزدىڭ ءون بويىن شارپىعان قانكوبىك كەسكىلەستەر اسەر ەتتى.
سولاي دەسەك تە قازاقتىڭ باستىقپاعان اساۋ حانى قاسىم مەن حان كەنەنى دۇنيەگە اكەلدى.
تۇلعانى حالىقتىڭ رۋحاني دەڭگەيى تولعاتادى.
قۇنارى قوجىراپ، تۇيىرشىگى سارقىلعان سۇيىق قاننان سۋايتتار عانا جاراتىلىپ، ەل اتاۋلىنى جاپپاي ەسەرلىك ەپيدەمياسىنا ۇشىراتادى. الپامىستاردىڭ جوقتىعى ۇلتان قۇلداردى ۇلىق ەتەتىنى سەكىلدى.
ەندەشە حان - قانداعى تۇيىرشىگىمىزدىڭ (اقپاراتتىڭ) مازمۇنى. وعان وكپەلەۋ، وزىڭە وكپەلەۋىڭ عانا. باسقالاي ءتۇسىندىرىپ بولمايدى.