Eldi kór de, handy kór
Arý Aqjúnis aitatyn: "Qara jerge qar jaýar, qandy kór de, etim kór..." teńeýin qazirgi halimizge qarai beiimdesek:
"Qazaq qalai deseńiz,
Handy kór de, eldi kór,
Eldi kór de, handy kór",-degen jańa bailam jasaǵan bolar edik.
HAN - halyqtyń jiyntyq beinesi. Hannyń deńgeii HALYQQA, halyqtyń deńgeii PATShA AǴZAMǴA óz salqynyn tigizbei qoimaidy. Hosh delik...
Tórtkúl dúniege málim "kentavr" atymyzdyń kele-kele "baranǵa" ainalǵany qalai? Bul "syrt kóz synshysynyń" bizge bergen ádil baǵasy. Dálirek aitsaq sapamyzdyń sýreti-tuǵyn.
Tulpardan toqtyǵa deiin quldyraýymyzǵa sóz joq, tarihymyzdyń ón boiyn sharpyǵan qankóbik keskilester áser etti.
Solai desek te qazaqtyń bastyqpaǵan asaý hany Qasym men Han Keneni dúniege ákeldi.
TULǴANY HALYQTYŃ RÝHANI DEŃGEII TOLǴATADY.
Qunary qojyrap, túiirshigi sarqylǵan suiyq qannan sýaittar ǵana jaratylyp, el ataýlyny jappai eserlik epidemiiasyna ushyratady. Alpamystardyń joqtyǵy Ultan quldardy ulyq etetini sekildi.
Endeshe HAN - qandaǵy túiirshigimizdiń (aqparattyń) mazmuny. Oǵan ókpeleý, ÓZIŃE ókpeleýiń ǵana. Basqalai túsindirip bolmaidy.
