قازاقستان رەسپۋبليكاسىنىڭ تۇڭعىش پرەزيدەنتى – ەلباسىنىڭ كىتاپحاناسى پرەزيدەنت كۇنى جانە تاۋەلسىزدىك مەرەكەسىنە وراي الماتى قالاسىندا «ن. نازاربايەۆ: ءداۋىر، تۇلعا، قوعام» جىلجىمالى كورمەسىنىڭ اياسىندا بىرنەشە  ءعىلىمي-بىلىم بەرۋ ءىس-شارالارىن وتكىزدى.

2017 جىلدىڭ 13 قاراشا كۇنى اتالمىش  جوبانىڭ ءبىر تارماعى رەتىندە اباي اتىنداعى قازاق ۇلتتىق پەداگوگيكالىق ۋنيۆەرسيتەتىندە ستۋدەنتتەر مەن وقىتۋشىلارعا ارنالعان  «قازاقستان جولى: «ماڭگىلىك ەل» سەمينار-ترەنينگى بولدى.

سەمينار-ترەنينگ «ماڭگىلىك ەل» ۇلتتىق يدەياسىنىڭ اياسىندا قۇرىلعان «كوشباسشى الەمى» مودەلىن، مەملەكەت باسشىسىنىڭ ساياسي جانە ەل باسقارۋ تاجىريبەسىن، قازاق مەملەكەتتىگىنىڭ نەگىزىن قالاعان قازاقستان رەسپۋبليكاسىنىڭ تۇڭعىش پرەزيدەنتى ن. نازاربايەۆتىڭ تۇلعالىق قىرلارىن اشىپ كورسەتۋگە ارنالدى. كۋرس اياسىنداعى ترەنينگتەر مەن تاجىريبەلىك ساباقتار جاستاردىڭ كوشباسشىلىق قاسيەتىن قالىپتاستىرىپ، جوبالىق جانە سىن تۇرعىسىنان ويلاۋ قابىلەتىن دامىتۋعا، وتانعا دەگەن سۇيىسپەنشىلىگىن ارتتىرۋعا، ازاماتتىق جاۋاپكەرشىلىگىن كۇشەيتۋگە باعىتتالدى. ەلباسى كىتاپحاناسى ۇسىنعان جوبانى جۇزەگە اسىرۋ جاستاردىڭ قازاقستاندىق بىرەگەيلىگىن نىعايتۋ مەن دامىتۋدىڭ، ونىڭ قوعام ومىرىندەگى ازاماتتىق دەڭگەيىن كوتەرۋدىڭ ماڭىزدى تەتىگىنە اينالدى.



سەمينار-ترەنينگتى اشقان ەلباسى كىتاپحاناسى ديرەكتورىنىڭ ورىنباسارى امىربەك راحىمجانوۆ قازاقستان رەسپۋبليكاسىنىڭ تۇڭعىش پرەزيدەنتى ن.ءا.نازاربايەۆتىڭ تاۋەلسىز مەملەكەت ورناتۋ جولىنداعى ەرەن ەڭبەگىنە، كوشباسشىلىق دارىنىنا توقتالدى. فيلوسوفيا عىلىمدارىنىڭ دوكتورى، پروفەسسور عازيز تەلەبايەۆتىڭ، تاريح عىلىمدارىنىڭ كانديداتى ساعىنتاي بەرداعۇلوۆانىڭ «ماڭگىلىك ەل» جولىندا: تاريح پەن تاعىلىم»، «تاۋەلسىزدىك جانە ۇلتتىق قاۋىپسىزدىك»، «يندۋستريالاندىرۋ جانە جالپىعا ورتاق ەڭبەك قوعامى»، «جالپىۇلتتىق بىرلىك، تاريح ورتاقتىعى جانە جوعارى رۋحانيات» تاقىرىبىنداعى لەكسيالارى جانە پەداگوگيكا عىلىمدارىنىڭ كانديداتى، دوسەنت كۇنسۇلۋ ءيسىنوۆا مەن كۇنزيا ۇمبەتوۆا وتكىزگەن «ەلباسى الەمى» تۇجىرىمدامالىق مودەلىنىڭ ءۇش قۇراۋشىسى: «تۇلعا»، «ساياساتكەر»، «جاسامپاز» (ەلباسىنىڭ ساياسي فيلوسوفياسى)، «بولاشاعى ءبىر ۇلت وكىلىنىڭ قاسيەتتەرى» تاقىرىپتارىنداعى ترەنينگتەر مازمۇندىلىعىمەن نازار اۋداردى.

اباي اتىنداعى قازۇپۋ-دا ەلباسى كىتاپتارىنىڭ جانە ەلباسى تۋرالى ەڭبەكتەردىڭ كورمەسى بولدى.

سەمينار-ترەنينگكە ۋنيۆەرسيتەت رەكتورى، پروفەسسور تاكير بالىقبايەۆ قاتىسىپ، ەلباسى كىتاپحاناسى قىزمەتكەرلەرى مەن لەكتورلارىنا العىس ايتتى.

 

ءقازۇپۋ-دىڭ قوعاممەن بايلانىس جونىندەگى ءبولىمى

 

https://dalanews.kz/32006