2017 jyldyń 13 qarasha kúni atalmysh jobanyń bir tarmaǵy retinde Abai atyndaǵy Qazaq Ulttyq pedagogikalyq ýniversitetinde stýdentter men oqytýshylarǵa arnalǵan «Qazaqstan joly: «Máńgilik El» seminar-treningi boldy.
Seminar-trening «Máńgilik El» ulttyq ideiasynyń aiasynda qurylǵan «Kóshbasshy álemi» modelin, Memleket basshysynyń saiasi jáne el basqarý tájiribesin, qazaq memlekettiginiń negizin qalaǵan Qazaqstan Respýblikasynyń Tuńǵysh Prezidenti N. Nazarbaevtyń tulǵalyq qyrlaryn ashyp kórsetýge arnaldy. Kýrs aiasyndaǵy treningter men tájiribelik sabaqtar jastardyń kóshbasshylyq qasietin qalyptastyryp, jobalyq jáne syn turǵysynan oilaý qabiletin damytýǵa, Otanǵa degen súiispenshiligin arttyrýǵa, azamattyq jaýapkershiligin kúsheitýge baǵyttaldy. Elbasy kitaphanasy usynǵan jobany júzege asyrý jastardyń qazaqstandyq biregeiligin nyǵaitý men damytýdyń, onyń qoǵam ómirindegi azamattyq deńgeiin kóterýdiń mańyzdy tetigine ainaldy.
Seminar-treningti ashqan Elbasy kitaphanasy direktorynyń orynbasary Ámirbek Rahymjanov Qazaqstan Respýblikasynyń Tuńǵysh Prezidenti N.Á.Nazarbaevtyń táýelsiz memleket ornatý jolyndaǵy eren eńbegine, kóshbasshylyq darynyna toqtaldy. Filosofiia ǵylymdarynyń doktory, professor Ǵaziz Telebaevtyń, tarih ǵylymdarynyń kandidaty Saǵyntai Berdaǵulovanyń «Máńgilik El» jolynda: tarih pen taǵylym», «Táýelsizdik jáne ulttyq qaýipsizdik», «Indýstriialandyrý jáne jalpyǵa ortaq eńbek qoǵamy», «Jalpyulttyq birlik, tarih ortaqtyǵy jáne joǵary rýhaniiat» taqyrybyndaǵy lektsiialary jáne pedagogika ǵylymdarynyń kandidaty, dotsent Kúnsulý Isinova men Kúnziia Úmbetova ótkizgen «Elbasy álemi» tujyrymdamalyq modeliniń úsh quraýshysy: «Tulǵa», «Saiasatker», «Jasampaz» (Elbasynyń saiasi filosofiiasy), «Bolashaǵy bir ult ókiliniń qasietteri» taqyryptaryndaǵy treningter mazmundylyǵymen nazar aýdardy.
Abai atyndaǵy QazUPÝ-da Elbasy kitaptarynyń jáne Elbasy týraly eńbekterdiń kórmesi boldy.
Seminar-treningke ýniversitet rektory, professor Takir Balyqbaev qatysyp, Elbasy kitaphanasy qyzmetkerleri men lektorlaryna alǵys aitty.
QazUPÝ-diń Qoǵammen bailanys jónindegi bólimi
https://dalanews.kz/32006
