شىن مانىندە، بۇگىنگى جاستار ەلباسى پايىمداپ ، تەرەڭ زەردەلەپ جەتكىزگەن «ۇلى دالانىڭ جەتى قىرىن» بىلە بەرمەيتىنى داۋسىز. ارينە، ءىشىنارا جاستار ءبىلۋى مۇمكىن. ءبىراق، كوپشىلىگى بىلە بەرمەيتىنىنە كۇمانسىز.
اتاپ ايتقاندا، جىلقىنى قولعا ۇيرەتۋ، اتقا ءمىنۋ مادەنيەتى، ءتىپتى، اتتى اسكەر قۇرىپ، جاۋگەرشىلىك زاماندا ۇستەمدىك قۇرۋى، ات ۇستىندەگى كيگەن كيىمى، شالبار، ەتىك، ساۋىت، قىلىش جاساۋ ارقىلى ۇلى دالادا وزگەلەرگە ۇلگى-ونەگە بولا بىلگەن بابالارىمىزدىڭ ەرەن ەڭبەگى مەن باتىرلىعىن بۇگىنگى جاس ۇرپاققا ۇلگى ەتىپ قانا قويماي، ونىڭ تاريحىنا نازارىن اۋدارتادى.
مەتالل ءوندىرۋدىڭ امال-تاسىلدەرىن ۇيرەنۋ ارقىلى ءتۇرلى تۇرمىستىق، ءارى اشەكەي زەرگەرلىك بۇيىمدار جاساۋى، قورشاعان ورتانى ساقتاي وتىرىپ، وزدەرىن تابيعاتتىڭ اجىراماس بولىگى رەتىندە ساناي وتىرىپ، اڭشىلىق ونەردى دامىتىپ، سونىمەن بىرگە اڭ-جانۋارلار دۇنيەسىنە قامقورلىق جاساي بىلگەندىگىن جەتكىزەدى.
1969 جىلى قازاقستاننىڭ ەسىك قورعانىنان «التىن ادامنىڭ» تابىلۋى الەمدىك عىلىمدا ۇلكەن سەنساسيا جاسادى. اسىرەسە، ۇلت تاريحىنا سەنىمسىزدىكپەن قاراعان ءبىرقاتار عالىمداردىڭ ويلارىن جوققا شىعارىپ، ءبىرقاتار قۇپيانىڭ بەتىن اشتى.
«التىن ادامنىڭ» التىنمەن قاپتالعان بۇيىمدارى مەن كيىمدەرى دالا وركەنيەتىنىڭ جوعارى دەڭگەيدە دامىعانىن جانە ۇرپاقۇ كوسەمدەرىنىڭ قۇدىرەتى مەن مارتەبەسىنىڭ بيىك ەكەدىگىن كورسەتتى.
ۇلت تاريحىندا التاي ولكەسىنىڭ الار ورنى ەرەكشە. ءدال وسى وڭىردە تۇركى دۇنيەسى پايدا بولعانىن بىلەمىز.
تاريحى تەرەڭ ۇلى جىبەك جولىدا دالا كوسەمدەرىنىڭ ويلاستىرىپ، جۇزەگە اسىرعان شىعىس پەن باتىستى، وڭتۇستىك پەن سولتۇستىكتى بايلانىستىرعان ورنىقتى پلاتفورما بولدى. بۇل-حالىقارالىق اۋقىمدى ەكونوميكانىڭ وركەندەۋىنە جانە مادەنيەتتىڭ دامۋىنا ءوز كەزەگىندە ىقپال ەتتى.
وسىمدىك پەن جەمىس اتاۋلىنىڭ ىشىندەگى ەڭ جاۋھارى قىزعالداق پەنالمانىڭ وتانى-قازاقستان ەكەنىن ماقتان ەتەمىز.
ەلباسى ن.ءا.نازاربايەۆ «ۇلى دالانىڭ جەتى قىرىن» وسكەلەڭ ۇرپاققا جەتكىزە وتىرىپ، ونى زەرتتەپ، زەردەلەگەن ماسەلەلەردى بىرنەشە ءىرى جوبالارعا بىرىكتىرە وتىرىپ، ۇلت تاريحىن، اتا-بابالارىمىزدىڭ كوپ عاسىرلىق مۇراسىنىڭ سيفرلىق وركەنيەت جاعدايىندا تۇسىنىكتى ەتىپ ەل اجەتىنە جاراتۋ، ءسويتىپ ەل يگىلىگىنە اينالدىرىپ، ۇلت تاريحىنىڭ جاڭا بەتتەرىمەن ۇرپاققا ۇعىندىرۋ.
سايىپ كەلگەندە، ەلباسىنىڭ بۇل ماقالاسى بۇگىنگى جاستارعا وي سالا وتىرىپ، الداعى اتقارار جۇمىستارىنا جىگەرلەندىرە تۇسەدى دەگەن ويدامىن.
پ.ىرسالى، قازىعۇرت اۋداندىق «جاستار رەسۋرستىق ورتالىعىنىڭ» باسشىسى
