Shyn máninde, búgingi jastar Elbasy paiymdap , tereń zerdelep jetkizgen «Uly dalanyń jeti qyryn» bile bermeitini daýsyz. Árine, ishinara jastar bilýi múmkin. Biraq, kópshiligi bile bermeitinine kúmánsiz.
Atap aitqanda, jylqyny qolǵa úiretý, atqa miný mádenieti, tipti, atty ásker quryp, jaýgershilik zamanda ústemdik qurýy, at ústindegi kigen kiimi, shalbar, etik, saýyt, qylysh jasaý arqyly Uly dalada ózgelerge úlgi-ónege bola bilgen babalarymyzdyń eren eńbegi men batyrlyǵyn búgingi jas urpaqqa úlgi etip qana qoimai, onyń tarihyna nazaryn aýdartady.
Metall óndirýdiń amal-tásilderin úirený arqyly túrli turmystyq, ári áshekei zergerlik buiymdar jasaýy, qorshaǵan ortany saqtai otyryp, ózderin tabiǵattyń ajyramas bóligi retinde sanai otyryp, ańshylyq ónerdi damytyp, sonymen birge ań-janýarlar dúniesine qamqorlyq jasai bilgendigin jetkizedi.
1969 jyly Qazaqstannyń Esik qorǵanynan «Altyn adamnyń» tabylýy álemdik ǵylymda úlken sensatsiia jasady. Ásirese, ult tarihyna senimsizdikpen qaraǵan birqatar ǵalymdardyń oilaryn joqqa shyǵaryp, birqatar qupiianyń betin ashty.
«Altyn adamnyń» altynmen qaptalǵan buiymdary men kiimderi dala órkenietiniń joǵary deńgeide damyǵanyn jáne urpaqu kósemderiniń qudireti men mártebesiniń biik ekedigin kórsetti.
Ult tarihynda Altai ólkesiniń alar orny erekshe. Dál osy óńirde Túrki dúniesi paida bolǵanyn bilemiz.
Tarihy tereń Uly Jibek jolyda dala kósemderiniń oilastyryp, júzege asyrǵan Shyǵys pen Batysty, Ońtústik pen Soltústikti bailanystyrǵan ornyqty platforma boldy. Bul-halyqaralyq aýqymdy ekonomikanyń órkendeýine jáne mádeniettiń damýyna óz kezeginde yqpal etti.
Ósimdik pen jemis ataýlynyń ishindegi eń jaýhary qyzǵaldaq penalmanyń Otany-Qazaqstan ekenin maqtan etemiz.
Elbasy N.Á.Nazarbaev «Uly Dalanyń jeti qyryn» óskeleń urpaqqa jetkize otyryp, ony zerttep, zerdelegen máselelerdi birneshe iri jobalarǵa biriktire otyryp, ult tarihyn, ata-babalarymyzdyń kóp ǵasyrlyq murasynyń tsifrlyq órkeniet jaǵdaiynda túsinikti etip el ájetine jaratý, sóitip el igiligine ainaldyryp, ult tarihynyń jańa betterimen urpaqqa uǵyndyrý.
P.Yrsaly, Qazyǵurt aýdandyq «Jastar resýrstyq ortalyǵynyń» basshysy
