الماتى وبلىسى ٸلە اۋدانىنىڭ تۇرعىنى ەسەم ابدۋەليەۆا مەملەكەت باسشىسىنا بەينەٷندەۋ جولداپ, جۇبايىنا قاتىستى ٸسكە اراشا تٷسۋٸن سۇرادى. ونىڭ ايتۋىنشا, داۋدىڭ باسىندا بۇرىنعى پوليتسييا قىزمەتكەرٸ تۇر. دەل وسى جايت تەرگەۋدٸڭ “بٸرجاقتى” سيپات الۋىنا سەبەپ بولعان. ٷش بالانىڭ اناسى وقيعانىڭ بۇرمالانعانىن, ماڭىزدى ايعاقتاردىڭ ەسكەرۋسٸز قالعانىن جەنە كٷيەۋٸنە نەگٸزسٸز قىسىم جاسالىپ جاتقانىن العا تارتتى. وقيعانىڭ مەن-جايىن بٸلۋ ٷشٸن Dalanews.kz رەداكتسيياسى جەبٸرلەنۋشٸ تاراپپەن تٸلدەسٸپ, داۋلى ٸستٸڭ ەگجەي-تەگجەيٸن سۇراپ بٸلدٸ.
وقيعا قالاي باستالعان?
ەسەمنٸڭ سٶزٸنشە, وقيعا 2025 جىلى 13 تامىزدا تۇرعىن ٷي اۋلاسىندا بولعان. سول كٷنٸ جۇبايى 11 جاستاعى ۇلى مەن ەكٸ جاسار قىزىن بالاباقشادان الىپ, ٷيگە قايتىپ كەلە جاتقان. ٷشەۋٸ كٶلٸكتەن تٷسٸپ, پودەزگە قاراي بەتتەگەن سەتتە, وڭ جاقتان جوعارى جىلدامدىقپەن كەلگەن كٶلٸك ولاردى قاعىپ كەتە جازداعان.
“جٷرگٸزۋشٸ تەجەگٸشٸن ەرەڭ باسىپ ٷلگەرگەن. سول كەزدە كٶلٸك ايناسى جولداسىمنىڭ قولىنا تيٸپ كەتكەن. وسى سەتتە كٷيەۋٸم وعان ەسكەرتۋ جاساعان”, - دەيدٸ ابدۋەليەۆا.
الايدا قاراپايىم ەسكەرتۋدٸڭ سوڭى ٷلكەن داۋعا ۇلاسقان.
ەسەمنٸڭ ايتۋىنشا, جٷرگٸزۋشٸ اگرەسسييا تانىتىپ, كٶلٸگٸنەن تٷسٸپ, بالالاردىڭ جىلاپ جاتقانىنا قاراماستان جانجال شىعارعان.
جولداسى كٸشكەنتاي قىزىن كٶتەرٸپ, ٷيگە قاراي كەتپەك بولعاندا, قارسى تاراپ ونى يىعىنان تارتىپ, “كٶلٸككە وتىر, سٶيلەسەيٸك” دەپ كٷشتەپ توقتاتقان. كەيٸن ولار كٶرشٸ اۋلانىڭ شەتٸندە سٶزگە كەلٸپ, جاعداي ۋشىعىپ كەتكەن.
“سول جەردە ەلگٸ ادام جولداسىمدى بٸرنەشە رەت تەپكەن. سونىڭ سالدارىنان قولىنىڭ ساۋساعى سىنعان”, – دەيدٸ ەيەل.
ەسەم ٶزٸ دە اراشا تٷسۋگە شىققانىن ايتادى. بٸراق قارسى تاراپ ونى يتەرٸپ, “سەن دۇرىس ادامعا تاپ بولعان جوقسىڭ, ساعان كٶرسەتەمٸن!” دەپ قورقىتقان.
“تٸپتٸ, سول كەزدە ول ەلدەكٸمگە قوڭىراۋ شالىپ, “مەنٸ ۇرىپ كەتتٸ” دەپ جولداسىما جالا جاپتى”, – دەيدٸ ەسەم.
جەبٸرلەنۋشٸ تاراپتىڭ ارىزى قابىلدانباعان
وقيعادان كەيٸن وتباسى پوليتسيياعا بٸردەن حابارلاسا الماعان. سەبەبٸ ولار ٷلكەن بالاسىنىڭ كٶزٸن تەكسەرتۋ ٷشٸن مەديتسينالىق ورتالىققا اسىققان.
سول ارالىقتا قارسى تاراپ بٸرٸنشٸ بولىپ پوليتسيياعا ارىز تٷسٸرگەن. كەيٸن بەلگٸلٸ بولعانداي, ول بۇرىن ٸلە اۋداندىق پوليتسيياسىندا ۋچاسكەلٸك قىزمەت اتقارعان.
كەلەسٸ كٷنٸ ەسەمنٸڭ جۇبايى دا ارىز جازعان. الايدا ەيەلدٸڭ ايتۋىنشا, ونىڭ ٶز ارىزى مٷلدە تٸركەلمەگەن.
“مەنٸڭ ارىزىمدى تٸركەمەدٸ, تالون دا بەرمەدٸ. ال جولداسىمنىڭ ارىزى بويىنشا ەشقانداي زاڭدى جاۋاپ بولمادى”, – دەيدٸ ول.
تەرگەۋ امالدارى قالاي جٷرگٸزٸلگەن?
ابدۋەليەۆانىڭ سٶزٸنشە, جولداسى تەرگەۋشٸلەردەن بٸرنەشە رەت كامەرا جازبالارى مەن كۋەگەرلەردەن جاۋاپ الۋلارىن سۇراعان. بٸراق اتالعان دەرەكتەر تەكسەرٸلمەگەن.
“بۇل كٷندٸز بولعان جاعداي. كۋەگەرلەر جەتٸپ ارتىلادى. بٸراق ەشكٸمنەن ەشتەڭە سۇرامادى, كامەرانى دا قارامادى”, – دەيدٸ ەسەم.
سوعان قاراماستان, ٸس بويىنشا ونىڭ جۇبايىنا قاتىستى باپ اۋىرلاتىلىپ, قىلمىستىق كودەكستٸڭ 107-بابى 1-بٶلٸگٸنەن 2-بٶلٸگٸنە اۋىستىرىلعان.
ەسەم ابدۋەليەۆا تەرگەۋ تەك قارسى تاراپتىڭ شاعىمى نەگٸزٸندە جٷرگٸزٸلٸپ جاتقانىن العا تارتتى. ونىڭ سٶزٸنشە, وسى ۋاقىت ٸشٸندە تٶرتٸنشٸ تەرگەۋشٸ اۋىسقان.
“ەر تەرگەۋشٸ كەلگەن سايىن جولداسىمدى شاقىرىپ, قىسىم جاسايدى. كٸنەڭدٸ مويىندا, كەشٸرٸم سۇرا, اقشا بەر, ارىزىن قايتارىپ السىن دەپ ايتادى”, – دەيدٸ ول.
ال قارسى تاراپ بولسا, ودان دا اۋىر تالاپتار قويعان.
“ەكە-شەشەڭمەن, بالا-شاعاڭمەن كەلٸپ, اياعىما جىعىلىپ كەشٸرٸم سۇراڭدار دەدٸ. ودان بٶلەك, ادۆوكاتتارعا كەتكەن شىعىندى ٶتەۋ ٷشٸن 1 ميلليون تەڭگە تالاپ ەتتٸ”, – دەيدٸ ەسەم.
قىسىم مەن قورقىتۋ
2026 جىلعى اقپان ايىندا بولعان جاعدايلار بۇل ٸستەگٸ قىسىمدى ودان ەرٸ كٷشەيتكەن.
ەسەمنٸڭ ايتۋىنشا, تەرگەۋشٸ جولداسىن “قاماپ قويامىن” دەپ قورقىتقان. جولداسى “نەگە?” دەپ سۇراعاندا, ول “بەرٸن كەيٸن انىقتايمىز” دەپ جاۋاپ بەرگەن.
ال بەتتەستٸرۋ كەزٸندە قارسى تاراپ اشىق تٷردە: “ساعان كٶرسەتەمٸن دەپ ايتتىم عوي. مەن ايىپپۇل تٶلەي سالامىن, ال سەن تٷرمەگە وتىراسىڭ!” دەگەن.
سونىمەن قاتار جولداسىنا “كٸنەنٸ جارتىلاي مويىندا” دەگەن قىسىم جاسالعان.
پروكۋراتۋرانىڭ جاۋابى قانداي?
وتباسى بۇل مەسەلە بويىنشا ٸلە اۋداندىق پروكۋراتۋراسىنا دا جٷگٸنگەن. الايدا ولاردىڭ ايتۋىنشا, ناقتى نەتيجە بولماعان.
“ە-ٶتٸنٸش ارقىلى شاعىمداندىق. بٸراق تەك جالپىلاما جاۋاپ الدىق. مەسەلە شەشٸلگەن جوق”, – دەيدٸ ەسەم.
وتباسىنىڭ قازٸرگٸ جاعدايى
ايتۋىنشا, ۇزاققا سوزىلعان تەرگەۋ مەن قىسىم جۇبايىنىڭ پسيحولوگييالىق جاعدايىنا دا ەسەر ەتكەن.
“جولداسىم كٷيزەلٸسكە تٷستٸ. ۇيقىسى بۇزىلدى, ٶمٸرگە دەگەن قىزىعۋشىلىعى جوعالدى. كەيدە “شارشادىم, ٶمٸر سٷرگٸم كەلمەيدٸ” دەپ ايتادى”, – دەيدٸ ول.
جۇبايى – ٷش بالانىڭ ەكەسٸ. سونىمەن قاتار بٸرٸنشٸ توپتاعى مٷگەدەك اناسى مەن قارت ەكەسٸنە قارايلاسىپ وتىرعان جالعىز اسىراۋشى ەكەن.
“ەرتەڭ قاماپ تاستاسا, اناما توپىراق سالا الماي قالامىن دەپ ۋايىمدايدى”, – دەيدٸ ەسەم.
ەدٸلدٸك تالاپ ەتەمٸن
وسىعان بايلانىستى ەسەم ابدۋاليەۆا مەملەكەت باسشىسى قاسىم-جومارت توقاەۆتان كٶمەك سۇراپ وتىر. ول قۇزىرلى ورگاندارعا ٸستٸ جان-جاقتى ەرٸ وبەكتيۆتٸ تەكسەرۋدٸ تاپسىرۋدى, تەرگەۋ بارىسىندا زاڭدىلىق پەن بەيتاراپتىقتىڭ ساقتالۋىن قامتاماسىز ەتۋدٸ تالاپ ەتتٸ.
“زاڭ بەرٸنە بٸردەي بولۋى كەرەك”, — دەپ تٷيٸندەدٸ ول.
