الماتى وبلىسى قاراساي اۋدانى كٶكٶزەك اۋىلىندا ەكس-پوليتسەي كٶلٸگٸمەن باسىپ كەتكەن بالانىڭ جاعدايى ٶتە اۋىر, دەپ حابارلايدى Dalanews.kz.
بۇل تۋرالى Sputnik قازاقستان تٸلشٸسٸنە بالانىڭ ەكەسٸ ايتتى.
تاپا-تال تٷستە كٶلٸكتٸڭ استىندا قالعان 7 جاستاعى جانارىس تٶلەننٸڭ جاعدايى ٶتە اۋىر. ونى 42 جاستاعى بۇرىنعى پوليتسييا قىزمەتكەرٸ كٶلٸگٸمەن باسىپ ٶتٸپ كەتكەن. بالانى قاققان بويدا ول وقيعا ورنىنان ٸزٸن سۋىتقان.
"بالامنىڭ جاعدايى ٶتە اۋىر. جانساقتاۋ بٶلٸمٸندە جاتىر. ەكٸ رەت وتا جاسالدى, سودان وڭالماي تۇر. باۋىرى ەزٸلٸپ, ٶكپەسٸ ەكٸ جەردەن تەسٸلگەن", - دەيدٸ بالانىڭ ەكەسٸ ەركٸن قالىقباەۆ.
كٷدٸكتٸ سول كٶكٶزەك اۋىلىندا ۋچاسكەلٸك پوليتسييا ينسپەكتورى بولىپ ٸستەگەن. كەيٸنگٸ كەزدەرٸ ماس كٷيدە جٷرەتٸن. وقيعا بولعان كٷنٸ دە ماس بولعان, دەيدٸ بالانىڭ ەكەسٸ.
"قاسكەلەڭدٸك دەرٸگەرلەر وبلىستىق بالالار اۋرۋحاناسىنا اۋىستىرامىز دەپ سول جاققا سۇرانىس جٸبەرٸپ قويدى, بٸراق وبلىستىق بالالار اۋرۋحاناسى ەلٸ جاۋاپ قاتپادى. بالامنىڭ ٶكپەسٸنە ەكٸ جەرٸنە زونت قويعان. اياق-قولى سىنباعان سيياقتى, بٸراق قوزعالا المايدى. بالام كٶزٸن اشادى, بٸراق تٸل جوق", - دەيدٸ ەركٸن قالىقباەۆ.
جانارىس وتباسىنداعى تٶرت بالانىڭ ٷشٸنشٸسٸ. اتا-اناسى جەكە كەسٸپپەن اينالىسادى. تالاپتى بالا تاەكۆاندومەن اينالىسقان. تٸپتٸ تالاي رەت جەڭٸستٸ قانجىعاسىنا بايلاعان.
الماتى وبلىستىق پوليتسييا دەپارتامەنتٸ ۋچاسكەلٸك پوليتسەي وقيعا بولاردان بۇرىن جۇمىستان شىعارىلعانىن ايتادى.
جەدەل-ٸزدەستٸرۋ ٸس شارالارى بارىسىندا Lexus RX 300 اۆتوكٶلٸگٸنٸڭ 42 جاستاعى جٷرگٸزۋشٸسٸ ۇستالدى. كٷدٸكتٸ ۋاقىتشا ۇستاۋ يزولياتورىنا قامالدى.
"اتالعان ازامات پوليتسييا قىزمەتكەرٸ ەمەس, ول جول اپاتىنان بۇرىن تەرٸس سەبەپتەرمەن جۇمىستان شىعارىلعان. بۇل فاكت بويىنشا تەرگەۋ جٷرگٸزٸلٸپ جاتىر", - دەيدٸ ۆەدومستۆو.
ەسكە سالايىق, بۇعان دەيٸن الماتى وبلىسىندا ٸشٸمدٸككە سىلقييا تويىپ العان پوليتسەي قىزمەتكەرٸ كٶلٸگٸمەن التى جاسار بالانى باسىپ كەتٸپ, وقيعا ورنىنان ٸزٸن سۋىتقانى تۋرالى جازعان ەدٸك.
وقيعا 4 شٸلدە كٷنٸ كەشكٸ ساعات توعىزعا قاراي الماتى وبلىسىنا قاراستى كٶكٶزەك اۋىلىندا بولعان. كۋەگەرلەردٸڭ ايتۋىنشا, رٶلدە ۋچاسكەلٸك پوليتسييا ينسپەكتورى وتىرعان. ول كٶلٸگٸن ارتقا قاراي جٷرگٸزٸپ كەلە جاتىپ, كٶشەدە ويناپ جٷرگەن بالانى قاعىپ كەتكەن.
ەلەۋمەتتٸك جەلٸگە تاراعان ۆيدەودا بالانى كٶلٸكپەن باسىپ ٶتكەن جٷرگٸزۋشٸنٸڭ تٸپتٸ ايالداپ, جاعدايدى انىقتاۋعا نيەت تانىتپاعانى انىق كٶرٸنەدٸ. ول سول بويدا گازدى باسىپ, ٸزٸن جاسىرعان.
الماتى وبلىسىنىڭ پوليتسييا دەپارتامەنتٸ وقيعاعا قاتىستى رەسمي تٷسٸنٸكتەمە بەرٸپ, كٷدٸكتٸنٸڭ كٸم ەكەنٸن ەلٸ ناقتىلامادى. بٸراق وبلىستىق پوليتسييانىڭ بارلىق جەكە قۇرامى كٷدٸكتٸنٸ ٸزدەۋگە جۇمىلدىرىلعانىن حابارلادى.
قازٸر وقيعا ورنىنان قاشىپ كەتكەن ينسپەكتورعا قاتىستى جەدەل ٸزدەستٸرۋ شارالارى باستالدى. ەزٸرگە زارداپ شەككەن بالانىڭ جاعدايى تۋرالى اقپارات جوق. وقيعانىڭ ەگجەي-تەگجەيٸن قۇزىرلى ورگاندار تەكسەرٸپ جاتىر.
