ق ر ەكولوگيا جانە تابيعات رەسۋرستارى ءمينيسترى ەرلان نىسانبايەۆ شىعىس قازاقستان وبلىسىنا تابيعات قورعاۋ وبەكتىلەرى مەن ورمان شارۋاشىلىعىنىڭ قىزمەتىمەن تانىسۋ ماقساتىندا جۇمىس ساپارىمەن كەلدى، دەپ حابارلايدى Dalanews.kz Altainews.kz- كە سىلتەمە جاساپ.
- ساپار بارىسىندا مينيستر پيحتا جانە ريددەر ورمان شارۋاشىلىعى مەكەمەلەرىنىڭ قىزمەتىمەن، سونداي-اق «باتىس-التاي مەملەكەتتىك تابيعي رەزەرۆاتىنىڭ» جۇمىسىمەن تانىستى، - دەلىنگەن مينيسترلىك اقپاراتىندا. - ول ورمان ءورتىن باقىلاۋ ستانسياسىن جانە ءورت ءسوندىرۋ تەحنيكالارىن تەكسەردى. سونداي-اق، ۇزاق مەرزىمدى ورمان پايدالانۋشىسى بولىپ تابىلاتىن «للپح» ج ش س كومپانياسىنىڭ جۇمىسىن تالقىلادى. ساپاردىڭ سوڭىندا مينيستر «كەنەس جانە ك» ج ش س كومپانياسىنىڭ قىزمەتىمەن تانىستى.
مينيستر تابيعي رەسۋرستاردى ءتيىمدى باسقارۋدىڭ، شۆەد تەحنولوگيالارى نەگىزىندە جابىق تامىر جۇيەسىمەن اعاش وتىرعىزۋ ماتەريالدارىن ءوسىرۋدىڭ جانە ورمان پيتومنيكتەرىن ساندىك كوگالداندىرۋ ءۇشىن كوشەت وسىرۋگە باعىتتاۋدىڭ ماڭىزدىلىعىن اتاپ ءوتتى.
