QR Ekologiia jáne tabiǵat resýrstary ministri Erlan Nysanbaev Shyǵys Qazaqstan oblysyna tabiǵat qorǵaý obektileri men orman sharýashylyǵynyń qyzmetimen tanysý maqsatynda jumys saparymen keldi, dep habarlaidy Dalanews.kz Altainews.kz- ke silteme jasap.
- Sapar barysynda ministr Pihta jáne Ridder orman sharýashylyǵy mekemeleriniń qyzmetimen, sondai-aq «Batys-Altai memlekettik tabiǵi rezervatynyń» jumysymen tanysty, - delingen ministrlik aqparatynda. - Ol orman órtin baqylaý stantsiiasyn jáne órt sóndirý tehnikalaryn tekserdi. Sondai-aq, uzaq merzimdi orman paidalanýshysy bolyp tabylatyn «LLPH» JShS kompaniiasynyń jumysyn talqylady. Sapardyń sońynda ministr «Kenes jáne K» JShS kompaniiasynyń qyzmetimen tanysty.
Ministr tabiǵi resýrstardy tiimdi basqarýdyń, shved tehnologiialary negizinde jabyq tamyr júiesimen aǵash otyrǵyzý materialdaryn ósirýdiń jáne orman pitomnikterin sándik kógaldandyrý úshin kóshet ósirýge baǵyttaýdyń mańyzdylyǵyn atap ótti.
