مەجٸلٸس ساعاتىندا اقىلى بٸلٸم, ۋنيۆەرسيتەتتەردٸڭ جاۋاپكەرشٸلٸگٸ جەنە گرانت ساياساتىنا قاتىستى مەسەلەلەر كٶتەرٸلٸپ, عىلىم جەنە جوعارى بٸلٸم مينيسترٸ ساياسات نۇربەك دەپۋتاتتاردىڭ سۇراقتارىنا جاۋاپ بەردٸ, دەپ حابارلايدى Dala News.
دەپۋتاتتار سوڭعى جىلدارى تٷرلٸ قىسقا مەرزٸمدٸ كۋرستار مەن كوۋچينگتەرگە قاتىستى شاعىمداردىڭ كٶبەيگەنٸن ايتىپ, وسىعان ۇقساس جاعداي جوعارى وقۋ ورىندارىندا دا بار ەكەنٸن اتاپ ٶتتٸ. ولاردىڭ ايتۋىنشا, ستۋدەنتتەر وقۋ ٷشٸن قوماقتى قارجى جۇمسايدى. بٸر كۋرسقا كەمٸندە 1,5 ملن تەڭگە تٶلەسە, تٶرت جىلدا بۇل سوما شامامەن 6 ملن تەڭگەگە جەتەدٸ. ال جاتاقحانا, تاماق جەنە باسقا شىعىنداردى قوسقاندا جالپى شىعىن 10 ملن تەڭگەدەن اسادى. سوعان قاراماستان, كەيبٸر تٷلەكتەر وقۋ بٸتٸرگەن سوڭ جۇمىس تابا المايدى.
وسىعان بايلانىستى دەپۋتاتتار ۋنيۆەرسيتەتتەردٸ سوتقا بەرۋ تەجٸريبەسٸ بار ما, وقۋ اقىسىن قايتارۋ مٷمكٸن بە جەنە جۇمىسقا ورنالاستىرۋ جاۋاپكەرشٸلٸگٸ كٸمگە جٷكتەلۋٸ تيٸس دەگەن سۇراق قويدى.
مينيستر الدىمەن فورمالدى ەمەس بٸلٸم بەرۋ سالاسىنا توقتالدى. ونىڭ ايتۋىنشا, تٷرلٸ كۋرستار مەن كوۋچينگتەر باعىتىندا ناقتى رەتتەۋ جەتٸسپەيدٸ.
«قازٸر بۇل سالادا تەرتٸپ كەرەك. بٸلٸمٸ مەن تەجٸريبەسٸ راستالماعان ادامدار كٶبەيٸپ كەتتٸ. كٶپ ەلدەردە مۇنداي قىزمەت قاتاڭ باقىلانادى. بٸز بۇل باعىتتاعى زاڭنامالىق ٶزگەرٸستەردٸ قولدايمىز», دەدٸ نۇربەك.
ال ۋنيۆەرسيتەتتەرگە قاتىستى ول ولاردىڭ قىزمەتٸ زاڭمەن رەتتەلەتٸنٸن ايتتى.
«جەكە ۋنيۆەرسيتەتتەر بٸلٸم تۋرالى زاڭمەن جەنە كەسٸبي كودەكسپەن جۇمىس ٸستەيدٸ. بٸز وقۋ باعدارلامالارىنىڭ ساپاسىن ارنايى كوميتەت ارقىلى باقىلايمىز», دەدٸ مينيستر.
سونىمەن قاتار نۇربەك سوڭعى جىلدارى مەملەكەتتٸك باقىلاۋ تەسٸلٸ ٶزگەرگەنٸن اتاپ ٶتتٸ. بۇرىن جوعارى وقۋ ورىندارى تۇراقتى تەكسەرٸلٸپ, قاتاڭ باقىلاۋدا بولعان.
«بۇرىن جىل سايىن تەكسەرۋلەر جٷرگٸزٸلەتٸن. قازٸر بۇل فورمات ٶزگەردٸ. جاڭا رەتتەۋشٸ ساياسات ەنگٸزٸلدٸ», دەدٸ ول.
مينيستردٸڭ ايتۋىنشا, قازٸرگٸ مودەلدە مەملەكەت بۇرىنعىداي تولىق باقىلاۋشى ەمەس. ۋنيۆەرسيتەتتەرگە كٶبٸرەك اكادەمييالىق ەركٸندٸك بەرٸلگەن, بٸراق جاۋاپكەرشٸلٸك تە سوعان ساي كٷشەيگەن.
«بۇرىنعىداي تولىق باقىلاۋ جٷرگٸزەتٸن مٷمكٸندٸك جوق. بۇل سانالى تٷردە قابىلدانعان شەشٸم», دەدٸ نۇربەك.
جۇمىسقا ورنالاسۋ مەسەلەسٸنە قاتىستى مينيستر ديپلوم ەڭبەك نارىعىندا اۆتوماتتى تٷردە جۇمىسقا كەپٸلدٸك بەرمەيتٸنٸن ايتتى.
ونىڭ سٶزٸنشە, بۇل جەردە جاۋاپكەرشٸلٸك بٸرنەشە تاراپقا بايلانىستى. ۋنيۆەرسيتەت بٸلٸم بەرەدٸ, ستۋدەنت ٶز داعدىلارىن دامىتۋى كەرەك, ال ەڭبەك نارىعى سۇرانىسقا قاراي جۇمىس ورىندارىن ۇسىنادى.
وسىلايشا, مەجٸلٸستەگٸ تالقىلاۋدا جوعارى بٸلٸم جٷيەسٸندە باقىلاۋ فورماتى ٶزگەرگەنٸ, ال تولىق گرانت پەن جۇمىسقا كەپٸلدٸك بەرۋ مودەلٸ بٸرتٸندەپ قايتا قارالىپ جاتقانى ايتىلدى.
