2007 جىلدىڭ قىس كٷندەرٸنٸڭ بٸرٸ. ۆاشينگتونداعى بٸر مەترودا ەر ادام سكريپكامەن يوگانن سەباستيان باحتىڭ التى بٸردەي كٷيٸن تابانى كٷرەكتەي قىرىق بەس مينۋت تٷرەگەپ تۇرىپ ورىندايدى. الدىندا اشىلىپ سكريپكاسىنىڭ قابى جاتادى. ونىڭ بۇل تۇرىسى كٶشەلەردە تۇرىپ, اقشا تاباتىن ٶنەرپازدان اۋمايتىن ەدٸ. بٸراق, بۇل ادام ەلەمگە ەيگٸلٸ, دٷنيەدەگٸ ەڭ مىقتى سكريپكاشى دجوشۋا بەلل ەدٸ! ونىڭ ورىنداپ تۇرعانى ەڭ كٷردەلٸ كٷيلەر, قولىناداعى سكريپكاسى ٷش ميلليون بەس جٷز مىڭ دوللار تۇراتىن!
ول كٷي تارتقان قىرىق بەس مينۋتتا شامامەن ەكٸ مىڭداي ادام وسى بەكەتتەن ٶتكەن. ٷش مينۋتتاي ٶتكەندە, مۋزىكادان حابارى بار سيياقتى كٶرٸنگەن بٸر ەر كٸسٸ اياق الىسىن بەسەڭدەتٸپ, تٸپتٸ بٸرنەشە سەكۋند توقتاپ تۇرىپ تىڭدايدى دا, ارى قاراي اسىعىس ساپارىنا جٷرە جٶنەلەدٸ. مٶلشەرمەن تٶرت مينۋتتان سوڭ, سكريپكاشى «تۇڭعىش تابىسىنا» يە بولادى. ەيەل بٸر دوللار تاستاپ, ايالداماستان العا تارتادى. سوسىن التى مينۋت شاماسىندا بٸر جاس جٸگٸت قابىرعاعا سٷيەنٸپ تۇرىپ, ونىڭ مۋزىكاسىن بەرٸلٸپ تىڭدايدى. بٸراق, كٶپ ٶتپەي ساعاتىنا قارايدى دا, اسىعىس-ٷسٸگٸس جٷرە جٶنەلەدٸ. ون مينۋت ٶتكەن سوڭ, ٷش-تٶرت جاستاعى ۇل بالا ونىڭ جانىنا توقتاپ, كٷيٸن تىڭداعىسى كەلەدٸ. بالانىڭ شەشەسٸ ونى سٷيرەلەگەن بەتٸ العا جىلجيدى. بالا تاعى دا توقتاي قالىپ, سكريپكاشىعا قارايدى. شەشەسٸ ونى قولىنان سٷيرەپ, ايالداتپاي الىپ كەتەدٸ. بالا قايتا-قايتا ارتىنا بۇرىلىپ, قاراي بەرەدٸ. مۇنان باسقا دا بٸرنەشە بالا كەتكٸسٸ كەلمەي, كٶپ جالتاقتايدى. ولاردىڭ دا ەكە-شەشەلەرٸبالالارىن سٷيرەلەپ, الىپ كەتەدٸ.
قىرىق بەس مينۋتتا تەك التى ادام عانا توقتاپ تۇرىپ كٷي تىڭدايدى. جيىرما ادام اقشا تاستايدى. سكريپكاشى وتىز ەكٸ دوللار تابادى. مۇنان ەكٸ كٷن بۇرىن عانا وسى سكريپكاشى كەش ٶتكٸزگەندە, بارلىق بيلەتٸ ساتىلىپ كەتٸپ, كونتسەرتكە بارۋعا جۇرت بيلەت تاپپاي قالعان ەدٸ. ونىڭ ەر جولعى كونتسەرتٸ ٶتكەندە بٸر بيلەتٸ كەم دەگەندە 200 دوللارعا ساتىلاتىن. مەتروداعى بۇل وقيعا ۆاشينگتونداعى بٸر گازەت ۇيىمداستىرعان سىناق بولاتىن. ولار ادامداردىڭ سەزٸمٸن, تٷيسٸگٸن جەنە تالعامىن سىناپ كٶرمەكشٸ بولادى.
سىناقتان مىناداي ساۋالدار تۋادى:
1. قاراپايىم ورتادا, كەز-كەلگەن ۋاقىتتا ادامدار سۇلۋلىقتى سەزٸنە الا ما?
2. ويلاماعان جاعدايدا تالانتتى تاني الامىز با? «ەردٸ كەبەنەك ٸشٸنەن تانيتىن» قىراعىلىعىڭىز قانشالىقتى?
ەڭ سوڭىندا ولار مىناداي قورىتىندى شىعارعان: دٷنيەدەگٸ ەڭ ٷزدٸك مۋزىكانت, ەڭ جاقسى مۋزىكا اسپابىمەن, دٷنيەدەگٸ ەڭ تاماشا كٷيدٸ ورىنداپ تۇرعاندا, بٸز بٸراز ۋاقىتىمىزدى قيىپ, قۇلاق قويا تىڭداي الماساق, وندا قاربالاسپەن ٶتٸپ بارا جاتقان ٶمٸر ساپارىمىزدا قانشا قىمباتتى نەرسەلەردەن بٸلمەي ايىرىلىپ قالدىق ەكەن? ٶمٸردە تولاسسىز ساپار شەگٸپ, توقتاۋسىز ٸلگەرلەسەك تە, جول جيەگٸندەگٸ كٶركەم كٶرٸنٸستەردٸ تاماشالاۋعا مۇرشامىز بولماپتى. جاستىق شاقتاعى قانشاما ارماندارىمىزدى ساپار بارىسىندا جوعالتىپ الدىق دەسەڭشٸ!
دايىنداعان ىرىسبەك دەبەي
