تەرگەۋشىلەر ونىڭ قايتىس بولعانعا دەيىنگى وقيعالاردىڭ بۇكىل حرونولوگياسىن تىزبەكتەپ، تەكسەرىپ شىقتى.
اعادىلگە كۇدىكتى رەتىندە ىزدەۋ جاريالاندى، ويتكەنى ول كەتپەۋ تۋرالى قولحاتتا ءوز موينىنا العان مىندەتتەمەدەن جالتارىپ، تەرگەۋ ورگانى تالاپتارىن ورىندامادى. وسى سەبەپتەرگە بايلانىستى سوت الدىندا وعان قاتىستى تاعايىنداعان بۇلتارتپاۋ شاراسىن قاماۋعا الۋعا اۋىستىردى. وسىلايشا، سوت شەشىمىن ورىنداعان پوليسيا قىزمەتكەرلەرىاعادىلدى ۇستاۋ جانە ونى قاماۋدى زاڭنىڭ تالابى اياسىندا جۇرگىزدى.
ءاعادىلدىڭ ءولىمىنىڭ سەبەپتەرى مەن جاعدايلارىن تاجىريبەلى مەديسينالىق-سوت ساراپشىلارى جانە جوعارى ساناتتاعى كارديولوگتاردان تۇراتىن كوميسسيا مۇقيات زەرتتەدى، دەپ حابارلادى نۇر-سۇلتان قالالىق پروكۋراتۋراسى.
ولاردىڭ قاتارىندا ءاعادىلدىڭ جاقىن تۋىستارىنىڭ ءوتىنىشى بويىنشا تارتىلعان ماماندار دا بولدى. ولار ءاعادىلدىڭ ولىمىنە كورونارلىق ارتەريالار مەن ارتەريولدىڭ قاتتى سپازماسىنىڭ كۇشەيۋى ناتيجەسىندە قان ۇيىپ، جۇرەكتىڭ سول قالقانشاسىنا قاننىڭ جينالۋى سالدارىنان ميوكارد ينفاركت سەبەپ بولعانىن انىقتادى.
ساراپشىلار ءاعادىلدىڭ دەنەسىنەن دەنە جاراقاتتارىن تاپپادى.
وسىعان بايلانىستى 25 مامىردا ءاعادىلدىڭ ولىمىنە قاتىستى قوزعالعان قىلمىستىق ءىس قىلمىستىق قۇرامنىڭ بولماۋىنا بايلانىستى توقتاتىلدى.
25 اقپاندا قوعام بەلسەندىسى نۇر-سۇلتان قالاسىنداعى تەرگەۋ يزولياتورىندا قايتىس بولعاندىعى بەلگىلى بولدى.
